زەينەتاقىنىڭ ءبىر بولىگىن ەمدەلۋگە جۇمساۋ ەرەجەلەرى وسى ايدىڭ سوڭىندا جاريالانادى
«ەمدەلۋگە جۇمساۋ جونىندە ايتار بولساق، ءبىز ازىرگە تەك ءبىرىڭعاي وپەراتور فۋنكتسياسىن اتقارۋعا كەلىسىم بەردىك. سول سەبەپتى ۇكىمەت قاۋلىسىندا ەمدەلۋگە بايلانىستى تولەمنىڭ ءبارى «وتباسى بانك» ارقىلى وتەتىنى ناقتى جازىلعان»، - دەدى باسقارما ءتوراعاسى ورتالىق كوممۋنيكاتسيالار قىزمەتىنىڭ الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، بۇل ەرەجەلەر وسى ايدىڭ سوڭىنا دەيىن دايىن بولادى. «قازىرگى تاڭدا ىشكى نورماتيۆ پروتسەدۋرالارىنا سايكەس، بۇل ماسەلە مەملەكەتتىك ورگاندارمەن تالقىلانىپ جاتىر. سودان كەيىن دەنساۋلىق ساقتاۋ ءمينيسترىنىڭ بۇيرىعىن ادىلەت مينيسترلىگىنە تىركەۋ كەرەك»، - دەدى ول.
«وتباسى بانك» ا ق باسقارما ءتوراعاسى زەينەتاقىنىڭ ءبىر بولىگىن سيرەك كەزدەسەتىن اۋرۋلارعا، ەرەسەكتەردىڭ ءتىسىن ەمدەۋ قىزمەتىنە جۇمساۋعا بولاتىنىن اتاپ ءوتتى. بۇل رەتتە ونىڭ ايتۋىنشا ەرەسەكتەرگە دەنساۋلىق كۇيىن جاقسارتىپ الۋعا بولارلىق مۇمكىندىك بەرىلەدى.
اۆتور: ايان بەكەن ۇلى