زەينەتاقىنىڭ ءبىر بولىگىن تەك جاڭا ءۇيدى جوندەۋ ءۇشىن عانا الۋعا رۇقسات ەتىلەدى

None
None
نۇر- سۇلتان. قازاقپارات - زەينەتاقىنىڭ ءبىر بولىگىن دەپوزيتكە اۋدارۋعا بولا ما؟ بۇل سۇراققا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «وتباسى بانك» تۇرعىن ءۇي قۇرىلىس جيناق بانكى ا ق ورتالىق فيليالىنىڭ ديرەكتورى جانسۇلتان ماتايەۆ جاۋاپ بەردى، دەپ حابارلايدى قازاقپارات ءتىلشىسى.

«بەكىتىلگەن ەرەجەلەرگە سايكەس، زەينەتاقىنىڭ شەكتى مولشەرىنەن ارتىق سومانى دەپوزيتكە سالىپ قويۋعا رۇقسات جوق. ول سومانى العاشقى جارنا رەتىندە ەگەر ءسىز تۇرعىن ءۇي جيناق جۇيەسىنە قاتىسپاي، بىردەن كەرەكتى سومانىڭ 50 پايىزى رەتىندە سالىپ، ءۇي الۋىڭىزعا بولادى. ءبىراق ول اقشانى الىپ، دەپوزيت رەتىندە ءوسىرىپ، مەملەكەتتىك سىياقىنى الام دەۋگە مۇمكىندىك جوق»، - دەدى جانسۇلتان ماتايەۆ.

ال قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى ەركەبۇلان داۋىلبايەۆتىڭ ايتۋىنشا، ەرەجەگە سايكەس، ازاماتتار مەنشىگىندەگى ءۇيدى جوندەۋگە قاراجاتتى جۇمساۋعا مۇمكىندىگى جوق. تەك ساتىپ العان ءۇيىنىڭ جوندەۋ جۇمىسىنا عانا زەينەتاقىنىڭ ءبىر بولىگىن الۋعا رۇقسات ەتىلەدى.

«ەگەر ءسىزدىڭ زەينەتاقى جيناعىنان الاتىن قاراجاتىڭىز جەتىپ تۇرسا، سول اقشانى تولىعىمەن (ءۇيدى الۋعا) پايدالانا الاسىز. ياعني يپوتەكانى پايدالانباي- اق قويساڭىز دا بولادى. ساتۋ- ساتىپ الۋ كەلىسىمى بويىنشا ءبىرىنشى جانە ەكىنشى نارىقتان دا باسپانا الۋعا بولادى. اۋىلدان دا، قالادان دا ءۇي الۋىڭىزعا جول اشىق. تىركەلگەن جەرىڭىزگە قاتىستى ەشقانداي شەكتەۋ جوق»، - دەدى ءلاززات يبراگيموۆا. ونىڭ ايتۋىنشا بۇگىنگە دەيىن 60 مىڭعا تارتا ارنايى شوت اشىلعان. ونلاين پلاتفورماعا ءوتىنىم بەرۋ كەزىندە ءوزىڭىز ءۇشىن دە شوت اشا الاسىز.

«ەڭ باستىسى، وپەراتسيانىڭ ءبارى قولما- قول اقشاسىز جۇرگىزىلەتىنىن اتاپ ءوتۋ كەرەك. الدامشى كەلىسىمشارتتاردىڭ الدىن الىپ، اقشانى امالداپ الىپ شىعۋ جاعدايىنا جول بەرمەس ءۇشىن تۋىسقان ادامدار اراسىنداعى كەلىسىمشارتتارعا تىيىم سالىنادى. ياعني، مەن ءوزىمنىڭ باۋىرلارىمنان، سىڭلىلەرىمنەن، اتامنان نەمەسە اجەمنەن ءۇي نەمەسە پاتەر ساتىپ الا المايمىن. وسىلايشا، ەرەجەلەردە بۇكىل مەحانيزم جازىلعان»، - دەدى ءلاززات يبراگيموۆا ورتالىق كوممۋنيكاتسيالار قىزمەتىنىڭ الاڭىندا وتكەن باسپا ءسوز ءماسليحاتىندا.

يندۋستريا جانە ينفراقۇرىلىمدىق دامۋ مينيسترلىگى وسى جىلدىڭ 21 -قاڭتارىندا تۇرعىن ءۇي جاعدايلارىن جاقسارتۋ ءۇشىن ءبىر جولعى زەينەتاقى تولەمدەرىن پايدالانۋ ەرەجەلەرىن بەكىتتى.

مينيسترلىكتىڭ قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى ەركەبۇلان داۋىلبايەۆ و ك ق الاڭىندا وسىلاي دەپ ءمالىم ەتتى.

ونىڭ ايتۋىنشا ازاماتتار وزدەرىنىڭ زەينەتاقى جيناقتارىنىڭ ءبىر بولىگىن:

- كەپىلدىك بولعان كەزدە تۇرعىن ءۇي قۇرىلىسىنا ۇلەستىك قاتىسۋ تۋرالى شارتتار بويىنشا تۇرعىن ءۇي ساتىپ الۋ كەزىندە نەمەسە اكت بولعان كەزدە كوپ پاتەرلى تۇرعىن ۇيدەگى ۇلەستى بەرۋ تۋرالى شارت جاساسۋ كەزىندە؛

- جەر ۋچاسكەسىن ساتىپ الۋدى قوس العاندا جەكە تۇرعىن ءۇي سالۋ ءۇشىن تولىق ەسەپ ايىرىسۋ كەزىندە؛

- يپوتەكا الۋ، تۇرعىن ءۇيدى ساتىپ الۋ، بەرەشەكتى وتەۋ، بانكتەر ارقىلى يپوتەكانى قايتا قارجىلاندىرۋ ءۇشىن باستاپقى جارنا رەتىندە؛

- تۇرعىن ءۇي قۇرىلىسى جيناقتارى جۇيەسى بويىنشا جەر ۋچاسكەسىن ساتىپ الا وتىرىپ، تۇرعىن ءۇي ساتىپ الۋعا نەمەسە جەكە تۇرعىن ءۇي سالۋعا ارنالعان يپوتەكا بويىنشا بەرەشەكتى الۋ، قايتا قارجىلاندىرۋدى وتەۋ كەزىندە؛

- يسلام بانكىنىڭ قارجىلاندىرۋى شەڭبەرىندە ءۇي ساتىپ الۋ جانە وسىنداي قارجىلاندىرۋ بويىنشا بەرەشەكتى وتەۋ كەزىندە؛ - تۇرعىن ءۇي قۇرىلىسى جانە داعدارىسقا قارسى باعدارلامالار شەڭبەرىندە ساتىپ الۋ قۇقىعىمەن بەرىلگەن باسپانانى ۇزاق مەرزىمدى جالداۋ شارتتارى بويىنشا بەرەشەكتى وتەۋ ءۇشىن پايدالانۋىنا رۇقسات ەتىلەدى. سونىمەن قاتار تۇرعىن ءۇيدى جوندەۋ جۇمىستارىنا ءبىر بانكتەن يپوتەكالىق قارىز العان كەزدە پايدالانۋعا جول بەرىلەدى.

سوڭعى جاڭالىقتار