ەلوردادا قاۋىپتى ىندەتىنىڭ ءوسۋ دەڭگەيى ءمالىم بولدى
ىندەتتىڭ ءوسۋى قالا تۇرعىندارىنىڭ الەۋمەتتىك قاشىقتىق ەرەجەلەرىن جانە باسقا دا سانيتارلىق تالاپتاردى بۇزۋىمەن بايلانىستى بولىپ وتىر. وسىعان بايلانىستى رەيدتەر كۇشەيتىلمەك. سانيتارلىق شارالار ساقتالماسا جاعداي كەز كەلگەن ۋاقىتتا ناشارلاۋى مۇمكىن.
«ەگەر حالىق اراسىندا جۇقتىرۋ سانى ارتاتىن بولسا، ءبىز قاتاڭ شەكتەۋ شارالارىن كەزەڭ- كەزەڭمەن نەمەسە بىردەن ەنگىزۋگە ءماجبۇر بولامىز. اۋىرىپ قالۋىمىز تىكەلەي وزىمىزگە بايلانىستى. مۇنى ەستە ساقتاۋ قاجەت. ەلورداداعى ەپيدەميولوگيالىق جاعداي قازىر «تۇراقسىز». الايدا تۇرعىندار مەديتسينالىق ماسكا تاعۋ، الەۋمەتتىك قاشىقتىقتى ساقتاۋ، بۇقارالىق ءىس-شارالار وتكىزبەۋ، ادامدار كوپ جينالاتىن ورىندارعا بارۋدان اۋلاق بولۋ سياقتى قاراپايىم ەرەجەلەردى بۇلجىتپاي ساقتايتىن بولسا، قاتاڭ شارالار قابىلداۋ تۋرالى ويىمىزدان باس تارتۋىمىز مۇمكىن»، - دەيدى نۇر-سۇلتان قالاسىنىڭ باس سانيتارلىق دارىگەرى سارحات بەيسەنوۆا.