قازاقستاندا قانشا ادۆوكات بار
بۇل تۋرالى ق ر ادىلەت ۆيتسە-ءمينيسترى ازامات امىرعاليەۆ ايتتى، دەپ حابارلايدى قازاقپارات ءتىلشىسى.
«2020 -جىلى ادۆوكاتتىق قوعامداستىق 2019 -جىلمەن سالىستىرعاندا 106 ادۆوكاتقا تولىقتى جانە 5480 دى قۇرايدى. كەپىلدىك بەرگەن زاڭ كومەگىن كورسەتۋگە 1 ميلليارد 813 ميلليون تەڭگە بولىنگەن. مۇنداي كومەكتى 125 مىڭنان استام ازامات الدى. سونىمەن قاتار، الەۋمەتتىك از قامتىلعان 4 مىڭ ازاماتقا ەرىكتى جانە وتەۋسىز زاڭ كومەگى كورسەتىلدى»، - دەدى ول مينيسترلىكتىڭ كەڭەيتىلگەن القا وتىرىسىندا.
ونىڭ اتاپ وتۋىنشە، ا ح ا ت سالاسى بويىنشا ادىلەت ورگاندارى 55000 استام قۇجاتتى اپوستيلدەدى. «اكىمدىكتەر 760 مىڭنان استام اكتى جازبالارىن تىركەدى. 2020 -جىلى مينيسترلىك مەملەكەتتىك قىزمەت كورسەتۋ پروتسەسىن جەتىلدىرۋدە كەشەندى شارالاردى ىسكە اسىردى»، - دەدى ۆيتسە- مينيستر.
اۆتور: مارلان جيەمباي