+7 (701) 759 90 19
-18 °С : نۇر-سۇلتان
1 °С : الماتى
USD 419.45 EUR 504.64
RUB 5.68 CNY 64.88
جاڭالىقتار

ەرالى توعجانوۆ قورداي اۋدانىندا ۆاكتسينا شىعاراتىن زاۋىتتىڭ قۇرىلىسىمەن تانىستى

22 قاڭتار 10:59
:ءبولىسۋ
ەرالى توعجانوۆ قورداي اۋدانىندا ۆاكتسينا شىعاراتىن زاۋىتتىڭ قۇرىلىسىمەن تانىستى

نۇر-سۇلتان. قازاقپارات - ق ر پرەمەر-ءمينيستردىڭ ورىنباسارى ەرالى توعجانوۆ باستاعان ۇكىمەتتىك دەلەگاتسيا جامبىل وبلىسىنىڭ قورداي اۋدانىنا باردى، دەپ حابارلايدى primeminister.kz.

جۇمىس ساپارى بارىسىندا ۆيتسە- پرەمەر گۆاردەيسكي اۋىلىنداعى بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى جانىنداعى بيوفارماتسيەۆتيكالىق زاۋىتتىڭ قۇرىلىس بارىسىمەن تانىستى.

زاۋىت الەۋمەتتىك ماڭىزى بار جۇقپالى اۋرۋلارعا قارسى ەلگە قاجەتتى بيوپرەپاراتتار شىعاتىن بولادى. ولاردىڭ قاتارىندا COVID-19، پاندەميالىق تۇماۋ، ماۋسىمدىق تۇماۋعا قارسى سپليت-ۆاكتسينالار، تۋبەركۋلەز، برۋتسەللەز، نودۋليارلىق دەرماتيت، كۇيىس قايىراتىن ۇساق جانۋارلاردىڭ وباسى، قوي مەن ەشكىنىڭ كونتاگيوزدى ەكتيماسى، قوي شەشەگى، قۇتىرۋعا قارسى ۆاكتسينالار جانە باسقا دا پرەپاراتتار بار.

ەرالى توعجانوۆ قۇرىلىستىڭ تەحنولوگيالىق ۇدەرىسى مەن ءوندىرىس جاعدايلارىنىڭ ودان ءارى GMP ستاندارتتارىنا سايكەستىگىن ەسكەرە وتىرىپ، جۇرگىزىلۋىنە نازار اۋدارۋدى تاپسىردى. سونداي-اق، ۆيتسە-پرەمەر مەردىگەر كومپانيالاردىڭ عىلىمي-زەرتتەۋ ينستيتۋتى، دەنساۋلىق ساقتاۋ، ءبىلىم جانە عىلىم مينيسترلىكتەرىنىڭ باسشىلىعىمەن تىعىز قارىم-قاتىناستا جۇمىس جاساۋ قاجەتتىگىن اتاپ ءوتتى.

قۇرىلىس الاڭىنىڭ اۋماعىندا ۆيتسە-پرەمەر جوبامەن، زاۋىت تۋرالى نەگىزگى وندىرىستىك جانە تەحنولوگيالىق مالىمەتتەرمەن تانىستى، وندىرىستىك پروتسەستىڭ ماكەتى مەن سحەماسىن قاراپ شىقتى. مونتاجداۋ جۇمىستارىن اياقتاۋ جانە ىسكە قوسۋ ناۋرىز ايىنا جوسپارلانىپ وتىر. قوسالقى عيماراتتار مەن قۇرىلىستاردىڭ، ناقتىراق ايتساق قازاندىق، ترانسفورماتور جانە سورعى ستانتسيالارىنىڭ، حلورلاۋ، ەنەرگەتيكالىق نىسانداردىڭ قۇرىلىسى اياقتالعان.

كۇن جىلىعاندا ىرگەسى اباتتاندىرىلىپ جانە كوگالداندىرىلاتىن بولادى. بۇدان سوڭ ەرالى توعجانوۆ 1958-جىلدان بەرى جۇمىس ىستەپ كەلە جاتقان بيولوگيالىق قاۋىپسىزدىك ماسەلەلەرى ينستيتۋتىنا ارنايى ات باسىن بۇردى. وندا 214 ادام ەڭبەك ەتەدى. عىلىمي مەكەمەنىڭ باسشىسى، بيولوگيا عىلىمدارىنىڭ دوكتورى كۇنسۇلۋ زاكاريا ينستيتۋتتىڭ قىزمەتى مەن جەتىستىكتەرى، سونداي-اق COVID-19 ۆاكتسيناسىن ازىرلەۋ بويىنشا عىلىمي زەرتتەۋلەردىڭ ناتيجەلەرى تۋرالى باياندادى.

سونداي-اق، ۆيتسە-پرەمەر ع ز ي قىزمەتكەرلەرى ءۇشىن 60 پاتەرلى كوپ قاباتتى ءۇيدىڭ قۇرىلىسىمەن تانىستى.

بۇگىندە ارلەۋ جۇمىستارى، قاسبەتى پەن شاتىردى جوندەۋ جۇمىستارى جۇرگىزىلۋدە. ءۇشىنشى جايلىلىق كلاسىنداعى پاتەرلەردىڭ جالپى اۋدانى 3,6 مىڭ شارشى مەتردى قۇرايدى. سىرتقى ارلەۋ، ىشكى بولىمدەردى ورناتۋ جانە ەلەكترمەن جابدىقتاۋ جۇمىستارى قالىپ وتىر.

جاقىن ماڭدا تاعى ەكى تۇرعىن ءۇي مەن دەنە شىنىقتىرۋ-ساۋىقتىرۋ عيماراتىنىڭ قۇرىلىسى جوسپارلانۋدا دەسەك، سپورتتىق نىساننىڭ ەكىنشى قاباتىندا 150 ورىندىق اكت زالى ورنالاسپاق.

سونىمەن قاتار، ۇكىمەتتىك دەلەگاتسيا قورداي اۋدانى وتار اۋىلىنداعى سپورتتىق-ساۋىقتىرۋ كەشەنى مەن جاڭا اۆتوماتتاندىرىلعان گاز تاراتۋ ستانتسياسىندا بولدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات