بەلگىسىز بىرەۋلەر ديماش قۇدايبەرگەننىڭ اتىن جامىلىپ، جالعان اقپارات تاراتۋدا

نۇر-سۇلتان. قازاقپارات - بەلگىسىز ءبىر ادامدار ءانشى ديماش قۇدايبەرگەننىڭ اتىن جامىلىپ، فەيك اككاۋنتپەن جالعان اقپارات تاراتۋدا.

ولار ءانشىنىڭ Instagram جەلىسىندەگى فوتوسۋرەتتى پايدالانعان، دەپ حابارلايدى قازاقپارات ءتىلشىسى.

بۇل جايلى ءانشىنىڭ اكەسى Facebook پاراقشاسىندا جازدى. قانات ايتبايەۆ الاياقتاردان ساقتانۋعا شاقىرادى.

«نازار اۋدارىڭىزدار! بۇل جالعان پاراقشا. الاياقتاردان ساق بولىڭىز»، - دەپ جازدى قانات ايتبايەۆ.

ءانشىنىڭ اكەسى بولىسكەن سۋرەتتە بەلگىسىز بىرەۋلەردىڭ اقشاعا قاتىستى جازبا قالدىرعانى باياندالعان.

«مەن ديماش قۇدايبەرگەنمىن. مەن 500 مىڭ ا ق ش دوللارىن تاراتامىن. «ماحاببات» دەپ جازعان العاشقى 100 ادامعا 5000 دوللاردان جولدايمىن»، - دەپ جازبا قالدىرعان بەلگىسىز ادامدار.