توڭازىتقىشتاعى ءسابي ءولىمى: پەريناتالدىق ورتالىق دارىگەرلەرى جۇمىستان كەتىپ جاتقانى تۋرالى اقپارات راس پا؟

تىراۋ. قازاقپارات - اتىراۋ وبلىستىق پەريناتالدىق ورتالىعىنىڭ دارىگەرلەرى بۇرىنعى ارىپتەستەرىنە شىعارىلعان سوت ۇكىمىنە قاتىستى پىكىرىن ءبىلدىردى، دەپ حابارلايدى قازاقپارات.

وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنە قاراعاندا، پەرزەنتحانا قىزمەتكەرلەرى كىنالى دەپ تانىلعان ەكس-دارىگەرلەرگە تاعايىندالعان جازانىڭ مەرزىمىن قىسقارتۋعا ۇسىنىس جاساعان.

«ەشكىم سوت ۇكىمىنە قارسى ەمەس. الايدا، جازانى جەڭىلدەتۋگە قاتىستى شارالار قولدانۋعا بولادى دەگەن ءۇمىتىمىز باسىم. ويتكەنى، ارىپتەستەرىمىزگە قاتىستى شىعارىلعان ۇكىم تىم قاتاڭ. وسىنداي وتە كۇردەلى جاعدايدا مەديتسينا قىزمەتكەرلەرى قالىپتى رەجيمدە جۇمىس ىستەپ، تىكەلەي مىندەتىن اتقارا المايدى. بۇدان كەيىن، ەندى جەتىلىپ كەلە جاتقان جاس مەديتسينا قىزمەتكەرلەرىنىڭ كوزىنەن قانداي جالىن، قانداي وت كورۋگە بولادى؟» - دەيدى اسقار كەنجەعاليەۆ.

ونىڭ ايتۋىنشا، سوت ۇكىمىمەن كەلىسپەگەن ورتالىقتىڭ ۇجىمى جاپپاي جۇمىستان كەتۋگە ارىز بەرگەنى تۋرالى اقپارات شىندىققا جاناسپايدى. مەديتسينا قىزمەتكەرلەرىمەن اتىراۋ وبلىسى اكىمىنىڭ ءبىرىنشى ورىنباسارى سەرىك ايداربەكوۆ، وبلىس اكىمىنىڭ ورىنباسارى باقىتگۇل حامەنوۆا، ءماسليحات دەپۋتاتتارى كەزدەسىپ، تالاپ-تىلەكتەرىن تىڭدادى.

ەسكە سالا كەتەلىك، بۇدان بۇرىن اتىراۋدا توڭازىتقىشتاعى ءسابي ولىمىنە قاتىستى پەرزەنتحانا دارىگەرلەرىنە سوت ۇكىمى شىققانىن جازعان ەدىك.