تارازدا تۇرمەگە جولدانعان ءتىس جۋاتىن پاستانىڭ ىشىنەن گاشيش تابىلدى

None
None
تاراز. قازاقپارات - تاراز قالاسىندا تۇرمەدەگى ازاماتقا جولدانعان سالەمدەمەدەن كۇدىكتى زات تابىلدى، دەپ حابارلايدى قازاقپارات ءتىلشىسى.

وقيعا تارازداعى ج د-158/7 مەكەمەسىندە ورىن الدى. ەرەكشە رەجيمدەگى مەكەمەنىڭ ەرەجەسىن بۇزعاندار سالەمدەمە جولداۋ ارقىلى جىمىسقى ويىن جۇزەگە اسىرماق بولعان.

بۇل تۋرالى جامبىل وبلىسى بويىنشا ق ا ج دەپارتامەنتىنىڭ باسپا ءسوز قىزمەتى حابارلادى.

«مەكەمەنىڭ رەجيم ءبولىمىنىڭ قىزمەتكەرلەرى قاماۋداعىلارعا كەلىپ تۇسكەن سالەم-ساۋقاتتى تەكسەرۋ بارىسىندا كۇدىكتى زاتتى بايقاپ، ونى ءجىتى ءتىنتۋ كەزىندە 2 ءتىس جۋاتىن پاستانىڭ ىشىنەن بارلىعى 8 پلاستيكالىق تۇتىك تاۋىپ، ولاردىڭ ىشىندە قويۋ قوڭىر ءتۇستى، وسىمدىك تەكتەس ءيىستى زات بار ەكەندىگىن انىقتاعان. اتاۋلى سالەمدەمە بۇرىن سوتتى بولعان ش ەسىمدى ازاماتتان مەكەمەدەگى جازاسىن وتەۋشىنىڭ بىرىنە جولدانعان»، - دەلىنگەن حابارلامادا.

قازىرگى تاڭدا سوت-ساراپتامالىق تالداۋدىڭ قورىتىندىسىنا سايكەس، كۇماندى زات 17 گرام «گاشيش» ەسىرتكىسى ەكەندىگى انىقتالىپ وتىر.

قىلمىستىق دەرەك بويىنشا وقيعا ورنىنا تاراز قالالىق 1-پوليتسيا باسقارماسىنىڭ جەدەل-تەرگەۋ توبى شاقىرتىلىپ، زاڭدى بۇزعان ازاماتتى ارى قاراي ءتيىستى جازاعا تارتۋ ءۇشىن جۇمىستار جۇرگىزىلۋدە.
سوڭعى جاڭالىقتار