فۋتزالدان چەمپيوندار ليگاسى: «قايرات» رۋمىنيا چەمپيونىنا قارسىلاس اتاندى

نۇر-سۇلتان. قازاقپارات — چەمپيوندار ليگاسىنىڭ فينالدىق كەزەڭىنە جولداما العان الماتىنىڭ «قايراتى» رۋمىنيا چەمپيونىمەن كەزدەسەدى، دەپ حابارلايدى قازاقپارات ءتىلشىسى.

كەشە فۋتزالدان چەمپيوندار ليگاسىنىڭ 1/8 فينالىنىڭ جەرەبە تارتۋ ءراسىمى وتكەنىن جازعان بولاتىنبىز. «اقتوبە» كومانداسىنىڭ چەمپيوندار ليگاسىنداعى قارسىلاسى انىقتالدى. سونداي-اق الماتىنىڭ «قايراتى» دا فينالدىق باسەكەدەگى ءوزىنىڭ قارسىلاسىن ءبىلدى.

الماتىلىقتار رۋمىنيا چەمپيونى «يۋنايتەد گالاتس» كومانداسىمەن جۇپ قۇرادى. كەزدەسۋ الماتى قالاسىندا وتەدى.

ەسكە سالا كەتەيىك، «قايرات» تۋرنيردىڭ جوعارعى ديۆيزيونىنا جولداما الۋ ءۇشىن سىرت الاڭدا بەلارۋستىك «ۆيتەندى» 5:3 ەسەبىمەن جەڭدى. چەمپيوندار ليگاسىنىڭ 1/8 فينال جەڭىمپازدارى ءبىر ماتچتا انىقتالادى.

كەزدەسۋلەر 16-21- اقپان ارالىعىندا وتەدى.