كارانتين: اقمولا وبلىسىندا ءدىني وبەكتىلەردىڭ قىزمەتىنە تىيىم سالىندى
وسى قاۋلىعا سايكەس، ءدىني وبەكتىلەردىڭ (مەشىت، شىركەۋ، سوبور، سيناگوگا جانە باسقالار) قىزمەتىنە تىيىم سالىنادى.
«كەلۋشىلەردىڭ سانىن 30 پايىزدان اسىرماي جانە ءبىر كەلۋشىگە كەمىندە 4 شارشى مەتر ساقتالعان جاعدايدا اۋدانى 1000 شارشى مەتردەن ارتىق ازىق- تۇلىك ساتپايتىن دۇكەندەردىڭ قىزمەتى ساعات 10.00 دەن 22.00 گە دەيىن شەكتەلەدى. سەنبى جانە جەكسەنبى كۇندەرى جۇمىس ىستەمەيدى. سونىمەن بىرگە، كەلۋشىلەردىڭ سانىن 30 پايىزدان اسىرماي جانە ءبىر كەلۋشىگە كەمىندە 4 شارشى مەتر ساقتالعان جاعدايدا ونداعى ازىق- تۇلىك بولىمدەرى مەن ءدارىحانالاردى قوسپاعاندا، جەكسەنبى كۇندەرى اۋدانى 1000 شارشى مەتردەن اساتىن سۋپەرماركەتتەر مەن گيپەرماركەتتەر جۇمىسىن توقتادى» دەلىنگەن قاۋلىدا.
بۇدان بولەك، كەلۋشىلەردىڭ سانىن 30 پايىزدان اسىرماي جانە ءبىر كەلۋشىگە كەمىندە 4 شارشى مەتر اۋماق ساقتالعان جاعدايدا سۋپەرمەركەتتەر مەن گيپەرماركەتتەر جۇمىسى ساعات 10.00 دەن 22.00 گە دەيىن شەكتەلەدى. قاۋلى 2021 -جىلعى 23-قاڭتار ساعات 00:00 كەزىندە كۇشىنە ەنەدى.