+7 (701) 759 90 19
-18 °С : نۇر-سۇلتان
1 °С : الماتى
USD 417.02 EUR 505.51
RUB 5.59 CNY 64.52
جاڭالىقتار

دەپۋتات تۇرمىستىق زورلىق- زومبىلىققا قارسى ءىس- قيمىل زاڭ جوباسىنىڭ رەداكسياسىن كەرى قايتارۋدى ۇسىندى

21 قاڭتار 18:55
:ءبولىسۋ
دەپۋتات تۇرمىستىق زورلىق- زومبىلىققا قارسى ءىس- قيمىل زاڭ جوباسىنىڭ رەداكسياسىن كەرى قايتارۋدى ۇسىندى

نۇر- سۇلتان. قازاقپارات - ءماجىلىس دەپۋتاتى، الەۋمەتتىك- مادەني دامۋ كوميتەتىنىڭ ءتوراعاسى ءجاميلا نۇرمانبەتوۆا بۇگىندە ەل ىشىندە قىزۋ تالقىعا تۇسكەن «وتباسىلىق- تۇرمىستىق زورلىق- زومبىلىققا قارسى ءىس- قيمىل تۋرالى» زاڭ جوباسى جايىندا پىكىر ءبىلدىردى، دەپ حابارلايدى قازاقپارات.

حالىق قالاۋلىسى ءوز ويىن Facebook پاراقشاسىندا جازدى.

«قازاقستان رەسپۋبليكاسى پارلامەنتى ءماجىلىسىنىڭ الەۋمەتتىك- مادەني دامۋ كوميتەتىنىڭ جاڭادان سايلانعان ءتوراعاسى رەتىندە وسى كۇندەرى «وتباسىلىق- تۇرمىستىق زورلىق- زومبىلىققا قارسى ءىس- قيمىل تۋرالى» قازاقستان رەسپۋبليكاسى زاڭ جوباسىنىڭ نەگىزگى ەرەجەلەرىن ەگجەي- تەگجەيلى جانە سىندارلى تۇردە زەرتتەدىم. ب ا ق- تا ساراپشىلار دا، ازاماتتىق قوعام وكىلدەرى دە ايتقان پىكىرلەردى، سونداي- اق ازاماتتاردىڭ كوپتەگەن وتىنىشتەرىن تالداپ قارادىم. بارلىق وبەكتيۆتى ۇسىنىستاردى، پىكىرلەر مەن مالىمدەمەلەردى تارازىلاي وتىرىپ، اتالمىش زاڭ جوباسىنىڭ رەداكسياسىن كەرى قايتارىپ، بىرلەسكەن جۇمىستى باستاۋعا بولادى دەپ ويلايمىن» دەپ جازادى ءجاميلا نۇرمانبەتوۆا.

ونىڭ ايتۋىنشا، مەملەكەت باسشىسىنىڭ جىنىستىق زورلىق- زومبىلىق، پەدوفيليا، ەسىرتكى تاراتۋ، ادام ساۋداسى، ايەلدەرگە قاتىستى تۇرمىستىق زورلىق- زومبىلىق جانە جەكە ادامعا، اسىرەسە بالالارعا قاتىستى باسقا دا اۋىر قىلمىستار ءۇشىن جازانى قاتاڭداتۋ قاجەتتىگى تۋرالى ءتيىستى تاپسىرماسى بار. «سونداي- اق، «نۇر وتان» پارتياسىنىڭ سايلاۋالدى باعدارلاماسىندا وتباسى ينستيتۋتىن نىعايتۋعا باعىتتالعان ۇلكەن ءبولىم بار، وندا تۇرمىستىق زورلىق- زومبىلىقتى ازايتۋ بويىنشا قاتاڭ شارالار قابىلداۋ تۋرالى ايتىلعان. وسىعان بايلانىستى «نۇر وتان» پارتياسى فراكسياسىنىڭ پىكىرتالاس الاڭىندا بارلىق مۇددەلى تۇلعالاردى، سونىڭ ىشىندە ازاماتتىق قوعام وكىلدەرى مەن بەلسەندىلەرىن، تاۋەلسىز ساراپشىلاردى تارتا وتىرىپ، وسى الەۋمەتتىك ماڭىزى بار تاقىرىپ بويىنشا الدىن الا كەڭىنەن تالقىلاۋ جۇرگىزۋدى ۇسىنامىن» دەيدى دەپۋتاتى.

ءجاميلا نۇرمانبەتوۆا جان- جاقتى تالقىلاۋ قورىتىندىسى بويىنشا وتباسىلىق- تۇرمىستىق زورلىق- زومبىلىققا قارسى ءىس- قيمىلدىڭ پارمەندى تەتىگىن قۇراتىن زاڭ جوباسىنىڭ جاڭا مودەلىن بىرلەسىپ ازىرلەيتىنىمىزگە سەنەتىنىن جەتكىزدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات