لاتىن امەريكالىق ساراپشى گولوۆكين دەڭگەيىنە جەتەتىن قازاق بوكسشىلارىن اتادى

نۇر-سۇلتان. قازاقپارات - ءبىرىنشى ورتا سالماقتاعى قازاقستاندىق بوكسشى سادريددين احمەدوۆ گەننادي گولوۆكيننىڭ بيىگىنە جەتە الادى.

Vesti.kz تىلشىسىنە بەرگەن سۇحباتىندا ESPN جۋرنالىنىڭ لاتىنامەريكالىق رەداكسياسىنىڭ جۋرناليسى فەرناندو باربوزا وسىنداي پىكىر ءبىلدرىدى.

«سادريددين احمەدوۆ - بولاشاعى وتە زور بوكسشى. ونىڭ ەڭ باستى باسىمدىعى - جاس ەكەنىندە. ول تاجىريبە جيناقتاپ جاتىر جانە ۋاقىتى جەتەرلىك. ونى ۇيرەنۋ ۋاقىتى شەكتەمەيدى. چەمپيوندىق جەكپە- جەككە ءبىر- ەكى نەمەسە ءۇش جىلدان كەيىن دە شىعا الادى. اسىعىس ەمەس. احمەدوۆ سۇمدىق بوكسشى. حاريزماسى بار. بولاشاعى تاماشا بولادى دەگەن ويدامىن. باستىسى كوبىرەك جەكپە-جەك وتكىزىپ، اكتيۆ بولىپ قالۋ.

دانيار ەلەۋسىنوۆ پەن جانىبەك ءالىمحان ۇلى دا بيىك جەتىستىككە جەتە الادى. بۇل قازاقستاندىق بوكسشىلاردا ءبارى الدا دەپ ويلايمىن. ولار وتانداستارى گەننادي گولوۆكيننىڭ بيىگىنە جەتە الادى»، - دەيدى باربوزا.