الەۋمەتتىك جەلىلەردە جالعان ۆاليۋتا ساتىلىپ جاتىر
جالعان اقشا جاساۋشىلاردىڭ ايتۋىنشا، بۇل جالعان اقشانى ناعىز كۋپيۋرادان ايىرۋ مۇمكىن ەمەس. ولاردى تەرمينالدار مەن بانكوماتتار قابىلدايدى. جالعان اقشانى ساتۋ جارناماسى باسقا پلاتفورمالاردا دا كەزدەسەدى. جالعان اقشا جاساۋشىلار ءوز قىزمەتتەرىن نەگىزىنەن رەسەي مەن ۋكراينادا ۇسىنادى.
جالعان كۋپيۋرالار «ءبىر جەرگە قويۋ» ادىسىمەن ساتىلادى - ولاردى بەلگىلى ءبىر جەردە جاسىرادى جانە ساتىپ الۋشىعا بەلگىلەنگەن جەردىڭ كارتاسىن جىبەرەدى. كەيبىر جاعدايلاردا «اقشانى» پوشتامەن جىبەرەدى.
«ناستوياشەە ۆرەميا» باسىلىمىنىڭ جۋرناليستەرى Instagram-داعى پاراقشاسىندا مۇنداي ساتۋ سحەماسى ءىس جۇزىندە قالاي جۇزەگە اسىرىلاتىنىن تەكسەرىپ كورگەن. الايدا، ءتىلشى جالعان اقشا جاساۋشىلارعا اقشا مەن اۋدارىمدى راستايتىن چەكتى جىبەرگەننەن كەيىن، ساتۋشى ىقتيمال ساتىپ الۋشىنى بۇعاتتاپ، بۇكىل جازبانى ءوشىرىپ تاستادى.
قازاقستاندا ق ر ق ك 231-بابىنا سايكەس، جالعان اقشا نەمەسە باعالى قاعازدار دايىنداۋ، ساقتاۋ، اۋىستىرۋ نەمەسە وتكىزۋ ءۇشىن بەس جىلدان ون ەكى جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
ەگەر الەۋمەتتىك جەلىلەردەن وسىنداي جارنامانى كورسەڭىز، سىلتەمەلەر بويىنشا وتپەڭىز جانە اۆتورلارمەن بايلانىسقا شىقپاڭىز.