الماتى وبلىسىنىڭ سوتى كارانتينگە جابىلدى
بۇل تۋرالى سوتتىڭ Facebook - تەگى پاراقشاسىنان ءمالىم بولدى، دەپ حابارلايدى قازاقپارات.
«تالدىقورعان قالاسىنىڭ باس مەملەكەتتىك سانيتارلىق دارىگەرىنىڭ 2021-جىلعى 20- قاڭتارداعى «الماتى وبلىستىق سوتى» ر م م عيماراتىندا جانە اۋماعىندا كارانتيندىك شارالار ەنگىزۋ تۋرالى» قاۋلىسىمەن وبلىستىق سوت جانە ونىڭ اۋماعىندا 2021-جىلدىڭ 20- قاڭتارىنان 2- اقپانىنا دەيىن كارانتيندىك شارالار ەنگىزىلدى»، - دەلىنگەن حابارلامادا.
قاۋلى تالاپتارىنا سايكەس:
سوتتىڭ جۇمىسى قاشىقتان جۇمىس رەجيمىنە تولىق اۋىسا وتىرىپ، تولىعىمەن توقتاتىلادى؛
سوت عيماراتىنا سەق قىزمەتكەرلەرىنەن باسقالارىنىڭ كەلۋىنە قاتاڭ تىيىم سالىنادى؛
وسى مەرزىمدە قاراۋعا تاعايىندالعان ىستەر كەيىنىرەك مەرزىمگە اۋىستىرىلادى، تاعايىندالعان كۇنى مەن ۋاقىتى تۋرالى اقپارات قاتىسۋشىلارعا قوسىمشا جولدانادى؛
«قىلمىستىق پروتسەسسۋالدىق كودەكستىڭ 107-بابىنا سايكەس كەلىپ تۇسكەن ماتەريالداردى سۋديا تالدىقورعان قالالىق سوتىنىڭ عيماراتىندا قاشىقتىقتان قارايدى»، - دەپ جازادى الماتى وبلىسى بويىنشا سوتتار اكىمشىسى باسشىسىنىڭ مىندەتىن اتقارۋشى ە. ايتجانوۆ.