امەريكا ۆيتسە-پرەزيدەنتى لاۋازىمىنا العاش رەت ايەل ادام كەلدى
قازاقپارات بۇل تۋرالى «گولوس امەريكي» جاڭالىقتار قىزمەتىنە سىلتەمە جاساپ حابارلايدى.
ايتا كەتەيىك، كامالا حارريس 56 جاستا. ول امەريكا ۆيتسە-پرەزيدەنتى لاۋازىمىنا كەلگەن العاشقى ايەل ءارى العاشقى قارا ءناسىلدى ازامات.
يناۋگۋراتسيادان كەيىن د. بايدەن مەن ك. حارريس ارلينگتون ۇلتتىق زيراتىنداعى بەلگىسىز سولدات بەيىتىنە گۇل شوقتارىن قويۋ راسىمىنە قاتىستى.
بۇعان دەيىن حابارلاعانىمىزداي، سارسەنبى كۇنى دجو بايدەن ا ق ش پرەزيدەنتى لاۋازىمىنا رەسمي كىرىستى. بۇل جولى پرەزيدەنتتى ۇلىقتاۋ ءراسىمى كوروناۆيرۋس پاندەمياسىنا بايلانىستى ادەتتەگىدەن قاراپايىم ءوتتى.
كاپيتوليدەن باستاپ ۇلتتىق ساياباق بويىمەن تىزىلە تۇراتىن ءجۇز مىڭداعان ادامنىڭ ورنىنا ا ق ش شتاتتارى مەن اۋماقتارىنىڭ 200 مىڭنان استام تۋى ءىلىنىپ تۇردى. بايدەن سالتاناتتى شارادا سويلەگەن سوزىندە ەلدە كوپتەگەن دۇنيەنى قايتا جوندەپ، جاڭادان قۇرۋ قاجەتتىگىن ايتتى.
«تاريح، سەنىم جانە اقىل-پاراسات - بىزگە بىرلىككە باستار جولدى كورسەتەدى»، - دەدى ول. سونداي-اق امەريكا قوعامىنداعى كەلىسپەۋشىلىكتەر جىككە بولىنۋگە الىپ كەلمەۋى تيىستىگىن ەسكە سالىپ، بارشا امەريكالىقتىڭ پرەزيدەنتى بولاتىنىن باسا ايتتى.