دجو بايدەن ا ق ش- تا پاندەميامەن كۇرەستىڭ جاڭا ەرەجەسىن ەنگىزبەك

ۆاشينگتون. قازاقپارات - ا ق ش اۋرۋلاردى باقىلاۋ جانە الدىن الۋ ورتالىعى ەلدە 15,7 ميلليوننان استام كوروناۆيرۋس ۆاكتسيناسى جاسالىپ، ۆاكتسينانىڭ 31 ميلليوننان استام دوزاسى ۆاكتسيناتسيا پۋنكتتەرىنە جەتكىزىلگەنىن حابارلادى، دەپ جازادى قازاقپارات BBC- گە سىلتەمە جاساپ.

وكىنىشكە قاراي، ا ق ش ناۋقاستاردىڭ سانى بويىنشا ءبىرىنشى ورىندا. سول سەبەپتى جاڭادان سايلانعان پرەزيدەنت دجو بايدەن يناۋگۋراتسيادان كەيىن جاعدايدىڭ باقىلاۋدان شىعۋىنا نەمەسە شيەلەنىسۋىنە جول بەرمەيتىنىن ايتتى.

اق ءۇي اكىمشىلىگىنىڭ جاڭا باسشىسىنىڭ ايتۋىنشا، بيلىكتە بولعان العاشقى كۇندەرى بايدەن پاندەميامەن كۇرەسۋدىڭ جاڭا ەرەجەلەرىن جاريالاۋعا نيەتتى.

اتاپ ايتقاندا، «100 كۇندىك ماسكا سىناعى» («100 Day Masking ChallengE «) باستالادى. بۇل ۋاقىتتا ماسكا كيۋ بارلىق فەدەرالدى نىساندار اۋماعىندا، سونداي-اق مەملەكەتتەر شەكاراسىن كەسىپ ءوتۋ كەزىندە مىندەتتى بولادى.

بۇعان دەيىن بايدەن ۆاشينگتوندا وتكەن كوروناۆيرۋستان قايتىس بولعان 400 مىڭنان استام امەريكالىقتى قۇرمەتپەن ەسكە الۋ راسىمىنە قاتىستى.