دجو بايدەن ا ق ش پرەزيدەنتى لاۋازىمىنا كىرىستى

None
None
ۆاشينگتون. قازاقپارات - دجو بايدەن سارسەنبى كۇنى ا ق ش پرەزيدەنتى لاۋازىمىنا رەسمي كىرىستى. ال ۆيتسە-پرەزيدەنت قىزمەتىن كامالا حارريس اتقارادى.

وسىلايشا، ول بۇل لاۋازىمعا كەلگەن العاشقى ايەل بولدى. ولار 20- قاڭتار كۇنى تۇستە وتكەن يناۋگۋراتسيا راسىمىندە انت بەردى، دەپ حابارلايدى قازاقپارات «گولوس امەريكي» جاڭالىقتار قىزمەتىنە سىلتەمە جاساپ.

بۇل جولى پرەزيدەنتتى ۇلىقتاۋ ءراسىمى كوروناۆيرۋس پاندەمياسىنا بايلانىستى ادەتتەگىدەن قاراپايىم ءوتتى. كاپيتوليدەن باستاپ ۇلتتىق ساياباق بويىمەن تىزىلە تۇراتىن ءجۇز مىڭداعان ادامنىڭ ورنىنا ا ق ش شتاتتارى مەن اۋماقتارىنىڭ 200 مىڭنان استام تۋى ءىلىنىپ تۇردى. كاپيتوليگە يناۋگۋراتسيا راسىمىنە كەلمەس بۇرىن دجو بايدەن ايەلى دجيللمەن جانە كامالا حارريس كۇيەۋى داگ ەمحوففپەن بىرگە اۋليە اپوستول ماتفەي سوبورىندا دۇعا وقۋ شاراسىنا قاتىستى.

بۇل شارا باستالار الدىندا پرەزيدەنت لاۋازىمىن بوساتىپ جاتقان دونالد ترامپ اقۇيدەن شىعىپ، تىكۇشاقپەن فلوريداعا ۇشىپ كەتتى.

د. ترامپ سوڭعى 150 جىلدا ءوزىنىڭ ءىزباسارىنىڭ ۇلىقتاۋ راسىمىنە قاتىسۋدان باس تارتقان ا ق ش- تىڭ العاشقى باسشىسى بولىپ وتىر. يناۋگۋراتسياعا ەكس-پرەزيدەنتتەر باراك وباما، كىشى دجوردج بۋش، بيلل كلينتون جانە ولاردىڭ جۇبايلارى ميشەل وباما، لورا بۋش جانە حيللاري كلينتون قاتىستى.

سونداي-اق سالتاناتتى راسىمگە لاۋازىمىنان كەتىپ جاتقان ۆيتسە-پرەزيدەنت مايك پەنس پەن ونىڭ جۇبايى كارەن پەنس قاتىستى. ۇلىقتاۋ راسىمىندە ونەر كورسەتكەن انشىلەر لەدي گاگا جانە دجەننيفەر لوپەس بولدى. ل. گاگا ا ق ش- تىڭ ۇلتتىق ءانۇرانىن ورىندادى.

شارادان كەيىن بايدەن مەن حارريس ارلينگتون ۇلتتىق زيراتىنداعى بەلگىسىز سولدات بەيىتىنە گۇل شوقتارىن قويۋ راسىمىنە قاتىساتىنى ايتىلۋدا.

بۇدان ءارى د. بايدەن پرەزيدەنت رەتىندە ءبىرقاتار جارلىقتار مەن قاۋلىلارعا قول قويۋدى جوسپارلاعان. ونىڭ كومانداسىنىڭ مالىمەتىنشە، ماسەلە دۇنيەجۇزىلىك دەنساۋلىق ساقتاۋ ۇيىمىمەن ىقپالداستىقتى قايتا جانداندىرۋ، كليمات جونىندەگى پاريج كەلىسىمىنە قايتا قوسىلۋ، بىرنەشە مۇسىلمان ەلدەرىنەن ا ق ش- قا كەلۋگە تىيىم سالۋ تۋرالى د. ترامپتىڭ تاپسىرماسىنىڭ كۇشىن جويۋ، ا ق ش- تا ناسىلدىك تەڭ قۇقىقتى قامتاماسىز ەتۋ بويىنشا ەل ۇكىمەتىنىڭ كۇش-جىگەرىن بەلسەندىرۋ، بالا كەزىندە امەريكاعا زاڭسىز كەلگەن ازاماتتاردىڭ قۇقىعىن قورعاۋدى كۇشەيتۋ تۋراسىندا بولىپ وتىر.

سونىمەن قاتار، د. بايدەن ەل حالقىن ازاماتتىق پاتريوتتىققا شاقىرىپ، كوروناۆيرۋس پاندەمياسى كەزىندە ماسكا تاعۋعا ۇندەۋدى جوسپارلاۋدا.

سوڭعى جاڭالىقتار