+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

«وقۋلىق» رەسپۋبليكالىق عىلىمي- پراكتيكا ورتالىعىنا جاڭا باسشى تاعايىندالدى

20 قاڭتار 19:16
:ءبولىسۋ
«وقۋلىق» رەسپۋبليكالىق عىلىمي- پراكتيكا ورتالىعىنا جاڭا باسشى تاعايىندالدى

نۇر-سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆتىڭ بۇيرىعىمەن «وقۋلىق» رەسپۋبليكالىق عىلىمي- پراكتيكالىق ورتالىعىنىڭ ديرەكتورى قىزمەتىنە ەلدوس نۇرلانوۆ تاعايىندالدى.

ەلدوس بولاتحان ۇلى 1981 -جىلى 13-قىركۇيەكتە الماتى قالاسىندا دۇنيەگە كەلگەن. قۇقىق تانۋشى- پەداگوگ، ءبىلىم جۇيەسىنىڭ زەرتتەۋشىسى مەن ساراپشىسى. قازاق قۇقىقتانۋ جانە حالىقارالىق قاتىناستار ينستيتۋتىن قۇقىقتانۋ ماماندىعى بويىنشا سپەتسياليتەتتى ۇزدىك ءتامامداعان. «Ednet Academy «USAID (ا ق ش) جوباسى بويىنشا ماگيسترلىك دەڭگەيىندەگى 2 جىلدىق دايارلاۋ باعدارلاماسىنان وتكەن. سونداي-اق International Project Management Association ستاندارتتارى بويىنشا وقىتۋشىلارعا ارنالعان C دەڭگەيىندەگى مەنەدجەر رەتىندە سەرتيفيكاتتالدى. مەكتەپكە دەيىنگى تاربيە مەن وقىتۋ، ورتا ءبىلىم ستراتەگيالارى جانە رەفورمالارى، پەداگوگيكالىق ءبىلىم جانە پەداگوگتەردىڭ كاسىبي دامۋى، ورتا ءبىلىم، تەحنولوگيالار تاقىرىپتارىنا ماماندانعان. ەڭبەك جولىن كوللەدج وقىتۋشىسى رەتىندە باستاپ، ءار جىلدارى ق ر ب ع م «بوبەك» ۇلتتىق عىلىمي- پراكتيكالىق، ءبىلىم بەرۋ جانە ساۋىقتىرۋ ورتالىعىنىڭ ءبولىم جەتەكشىسى، ق ر ب ع م ى. التىنسارين اتىنداعى ۇلتتىق ءبىلىم اكادەمياسىنىڭ عىلىمي- زەرتتەۋ ورتالىعىنىڭ اعا عىلىمي قىزمەتكەرى، ق ر ب ع م جانىنداعى اقپارات- تالداۋ ورتالىعىنىڭ، دەپارتامەنت جەتەكشىسى، ۆيتسە- پرەزيدەنتى، نۇر-سۇلتان قالاسى اكىمدىگى گۋمانيتارلىق كوللەدجىنىڭ ديرەكتورى، نازاربايەۆ ۋنيۆەرسيتەتىنىڭ عىلىمي قىزمەتكەرى لاۋازىمدارىن اتقارعان.

بۇدان بولەك باسپادا تۇزەتۋشى، اۋدارماشى جانە رەداكتور بولعان. ءبىرتۇتاس پەداگوگيكالىق پروتسەستىڭ تيىمدىلىگىن تەحنولوگيالىق تۇرعىدان ارتتىرۋ تەتىكتەرى جونىندەگى تۇجىرىمدامانىڭ بىرلەسكەن اۆتورى. جاراتىلىس تانۋ وقۋلىقتارى مەن ادىستەمەلىك قۇرالدارىن اۋدارۋ، بەيىمدەپ قولدانۋ جونىندەگى حالىقارالىق جوباسىندا رەداكتور جانە بىرلەسكەن اۆتور بولىپ ىستەدى. ب ا ق سالاسىنداعى مەملەكەتتىك كاسىپورىنداردا قۇقىقتىق قامتاماسىز ەتۋ مەن الەۋمەتتىك جانە ءبىلىم ماسەلەلەرىن كوتەرۋدە تاجىريبەسى بار.

2020-2025 -جىلدارعا ارنالعان ءبىلىم جانە عىلىمدى دامىتۋدىڭ مەملەكەتتىك باعدارلاماسىنىڭ جانە «پەداگوگ مارتەبەسى تۋرالى» زاڭنىڭ جوباسىن ازىرلەۋگە بەلسەنە قاتىسقان. ەلدوس نۇرلانوۆ كاسىبي ۇيىمدار مەن قوعامدار جۇمىسىنا بەلسەنە ارالاسىپ، ق ر ب ع م ءبىلىم جانە عىلىم، بالا قۇقىعىن قورعاۋ ماسەلەلەرى جونىندەگى قوعامدىق كەڭەسى، ءبىلىم سالاسىنداعى زەرتتەۋشىلەردىڭ قازاقستاندىق قوعامى (KERA)، ا. بايتۇرسىن ۇلى ءبىلىم اكادەمياسىنىڭ اكادەميالىق كەڭەسىنە مۇشە.

«قازاقستان رەسپۋبليكاسى ءبىلىم بەرۋ جۇيەسىنىڭ جاي- كۇيى مەن دامۋى تۋرالى ۇلتتىق بايانداما» (2014, 2017 -جىلدار قورىتىندىلارى بويىنشا)، «PIRLS-2016: قازاقستان ناتيجەلەرى» (2018 -جىل: ۇلتتىق ەسەپ)، «بولار بالا - جورگەگىنەن»، «اۋىلداعى مەكتەپ ءبىلىمىنىڭ ساپاسى: ۇلتتىق جانە حالىقارالىق باعالاۋ ناتيجەلەرىن تالداۋ»، «ءۇش تىلدە ءبىلىم بەرۋدى ۇيىمداستىرۋ: حالىقارالىق تاجىريبە جانە قازاقستانعا ارنالعان ۇسىنىستار»، «ءارتۇرلى نۇسقاداعى وقۋ ادەبيەتى: قاجەتتىلىگى مەن پروبلەمالارى»، «پوستسوۆەتسكايا يدەنتيچنوست ۆ پەداگوگيچەسكوم وبرازوۆاني: پروشلوە، ناستوياشەە، بۋدۋشەە» سىندى تاڭداۋلى جاريالانىمدار مەن ەسەپتەردىڭ اۆتورى جانە بىرلەسكەن اۆتور.

ءبىلىم سالاسىنداعى زەرتتەۋشىلەردىڭ قازاقستاندىق قوعامى (KERA) نازاربايەۆ ۋنيۆەرسيتەتى جوعارى ءبىلىم بەرۋ مەكتەبىمەن ارىپتەستىكتە ازىرلەگەن «قازاقستان ءبىلىم زەرتتەۋشىلەرىنىڭ ادەپ كودەكسى» كىتابىن جازۋشىلاردىڭ ءبىرى. بۇل - مازمۇنى مەن اۋقىمى بويىنشا ۇلتتىق بىلىمدەگى العاشقى سالالىق كودەكس. كودەكس قاعيدالارى زەرتتەۋدىڭ بارلىق كەزەڭدەرىندەگى (جوسپارلاۋ، قاتىسۋشىلاردى تارتىپ ىرىكتەۋ، دەرەك جيناۋ جانە ەسەپ بەرۋدەگى) ءىس- ارەكەت ۇلگىلەرى رەتىندە تۇسىنىكتى ءارى قولدانبالى ەتىپ تۇجىرىمدالعان. ق ر ءبىلىم جانە عىلىم مينيسترلەرىنىڭ قۇرمەت گراموتالارىمەن ماراپاتتالعان.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات