كوروناۆيرۋستىڭ سيمپتومسىز تۇرىنە شالدىققاندار قاۋىپتى - مامان پىكىرى
نۇر-سۇلتان. قازاقپارات - COVID-19-دىڭ سيمپتومسىز تۇرىنە شالدىققاندار كوروناۆيرۋسپەن اۋىرعانداردان الدە قايدا قاۋىپتى.
مۇنداي پىكىردى مەديتسينا عىلىمدارىنىڭ دوكتورى، ەپيدەميولوگ ساكەن امىرەيەۆ ءبىلدىردى، دەپ حابارلايدى قازاقپارات ءتىلشىسى.
«قازاقستاندا جانە كورشى ەلدەردە احۋالدىڭ تۇراقتالعانى بايقالادى. الايدا، بۇل ەشقانداي پروبلەما جوق دەگەندى بىلدىرمەيدى. بۇعان كارانتين شارالارىنىڭ ارقاسىندا قول جەتكىزىلىپ وتىر. دەگەنمەن، كارانتين شارالارىن ءسال عانا بوساڭداتسا، بىردەن ۋشىعىپ كەتەدى. سوندىقتان بوساڭسۋعا بولمايدى. كوروناۆيرۋسقا قاتىستى ايتا كەتەر تاعى ءبىر جايت، ادامداردىڭ 70 پايىزى ونىڭ سيمپتومسىز ءتۇرىن باستان كەشىرەدى. وسىعان بايلانىستى كوپشىلىك سيمپتومسىز وتكەنى جاقسى دەپ ويلايدى. جاقسى ەشتەڭەسى جوق. بۇل ادامدار وزگەلەرگە جۇقتىرادى. ولاردىڭ وزدەرى اۋىرماعانىمەن كوروناۆيرۋسقا شالدىققاندارعا قاراعاندا الدە قايدا قاۋىپتى»، - دەدى س. امىرەيەۆ. ونىڭ تۇسىندىرۋىنشە، كوروناۆيرۋستىڭ سيمپتومدى تۇرىمەن اۋىرعان ادامدار وقشاۋلانىپ، ەمدەلەدى. ال ۆيرۋستىڭ سيمپتومسىز ءتۇرىن جۇقتىرعاندار تەست تاپسىرماستان ەمىن- ەركىن جۇرە بەرەدى. سول ارقىلى ول ايلاسىنداعى دەنى ساۋ ادامدارعا ۆيرۋس جۇقتىرادى.
اۆتور: مارلان جيەمباي
- «ەرتىس ورمانى» رەزەرۆاتىنداعى ءورت: 130 ءورت ءسوندىرۋشى ءتىلسىز جاۋمەن ارپالىسىپ جاتىر
- جامبىلدا جول ەرەجەسىن بۇزۋدى تىركەيتىن جاڭا قۇرىلعىلار تانىستىرىلدى
- تۇركىستان: ارماندار ورىندالاتىن قالا
- جامبىل وبلىسىندا اۋىلدار ىشىمدىكتەن باس تارتىپ جاتىر
-
سەمەيدە يادرولىق مەديتسينا ورتالىعى اشىلدى
-
قاراعاندى وبلىسىندا جويعىش ۇشاق قۇلادى
