وتكەن جىلى وزبەكستاننان شەتەلگە كوشكەن ازاماتتاردىڭ دەنى قازاقستانعا قونىس اۋدارعان

تاشكەنت. ۋزا- قازاقپارات - وتكەن 2020 -جىل قورىتىندىسىنا وراي وزبەكستاننان كوشىپ كەتكەندەردىڭ سانى ەلگە كوشىپ كەلگەندەرگە قاراعاندا 12,5 مىڭعا كوبەيگەن، دەپ حابارلايدى قازاقپارات ۋزا اگەنتتىگىنە سىلتەمە جاساپ.

مەملەكەتتىك ستاتيستيكا كوميتەتىنىڭ وزبەكستانداعى كوشى- قون جاعدايى تۋرالى اقپاراتىندا، 2020 -جىلى وزبەكستاننان 203,7 مىڭ ادام كوشىپ كەتكەن. سونىمەن قاتار 191,2 مىڭ ادام ەلگە قونىس اۋدارعان. پاندەميا جاعدايىندا شەكارالار ۇزاق ۋاقىت جابىق بولعانىنا قاراماستان، كوشى- قون كورسەتكىشتەرى 2019 -جىلمەن سالىستىرعاندا ءبىرشاما كوپ.

وزبەكستانعا قونىس اۋدارۋشىلاردىڭ باسىم بولىگى قازاقستان (جالپى ميگرانتتاردىڭ % 37 - ى)، رەسەي (%22,3) جانە تاجىكستان (%20) ەلدەرىنەن كەلگەندەر بولسا، شەتەلگە كەتكەن ازاماتتاردىڭ دەنى قازاقستانعا (%64,3) جانە رەسەيگە (%29,3) كوشكەن. 2019 -جىلعى ستاتيستيكا بويىنشا 169,5 مىڭ ازامات شەتەلگە قونىس اۋدارعان، ال سىرتتان ەلگە قونىس اۋدارعاندار سانى 158,9 مىڭدى قۇراعان.