جەتىسايلىق ديقاندار قىرىققابات ەگۋدى باستادى

None
None
نۇر- سۇلتان. قازاقپارات - تۇركىستان وبلىسى جەتىساي اۋدانىنىڭ ديقاندارى ەگىستىك القاپتارىنداعى جۇمىستارىن باستاپ كەتتى.

ەگىن ەگۋدى ەرتە باستاعان اتامەكەن، ەرالييەۆ اۋىل وكرۋگتەرىنىڭ ديقاندارى قازىردىڭ وزىندە جالپى 12 گەكتار جەرگە قىرىققابات وتىرعىزىپ ۇلگەرگەن، دەپ حابارلايدى وبلىستىق اكىمدىكتىڭ باسپا ءسوز قىزمەتى.


«ۇلمان اتا» شارۋا قوجالىعىنىڭ ءتوراعاسى باقىت قورعانبايەۆ قىرىققابات كوشەتىن ەگۋدى جەلتوقسان ايىندا باستاپ كەتكەن.

«ءبىزدىڭ اۋدان ەرتە كوكتەم شىعاتىن ايماققا جاتادى. جىلدا اۋا رايىنىڭ وسىنداي قولايلىلىعىن ءتيىمدى پايدالانىپ، ەگىستىك جۇمىستارىن ەرتە باستاۋعا قامدانامىز. قازىرگى تاڭدا 2 گەكتار اۋماققا قىرىققابات وتىرعىزدىق. وتكەن جىلى وسى جەردەن 70 توننا ءونىم العانبىز، بيىل 100 تونناعا جەتكىزۋدى جوسپارلاپ وتىرمىز»، - دەدى قوجالىق يەسى.


ال، ەراليەۆ اۋىلدىق وكرۋگىنىڭ ديقانى نۇربول امەتوۆ قىرىققاباتتى تامشىلاتىپ سۋعارۋ تەحنولوگياسىمەن ەگۋدى بيىل دا قولعا الىپ وتىر. ول بۇل ءادىس ءونىم كولەمىن 2 ەسەگە ارتتىراتىنىن ايتادى. ديقاندار نەگىزىنەن قىرىققاباتتىڭ 65 كۇندە پىسەتىن «زاكاز» جانە «ۆاليكور» سورتتارىن ەگىپ جاتىر.

ايتا كەتەيىك، جالپى اۋداندا بيىل 78500 گەكتار اۋماققا ەگىس ەگىلەدى جوسپارلانىپ وتىر. سونىڭ 1000 گەكتارى ەرتە پىسەتىن قىرىققاباتقا ارنالعان. وتكەن جىلى 1007 گەكتارعا قىرىققابات ەگىلىپ، ودان 36 مىڭ توننا ءونىم جينالعان.


سوڭعى جاڭالىقتار