+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

قازاقستاندا مينيسترلىكتەردەگى جاۋاپتى حاتشىلار ينستيتۋتى رەسمي تۇردە جويىلدى

20 قاڭتار 14:02
:ءبولىسۋ
قازاقستاندا مينيسترلىكتەردەگى جاۋاپتى حاتشىلار ينستيتۋتى رەسمي تۇردە جويىلدى

نۇر- سۇلتان. قازاقپارات - قازاقستاندا مينيسترلىكتەردەگى جاۋاپتى حاتشىلار ينستيتۋتى رەسمي تۇردە جويىلدى، دەپ حابارلايدى قازاقپارات ق ر مەملەكەتتىك قىزمەت ىستەرى اگەنتتىگىنىڭ باسپا ءسوز قىزمەتىنە سىلتەمە جاساپ.

2021 -جىلعى 18-قاڭتاردا مەملەكەت باسشىسى قاسىم- جومارت توقايەۆ «قازاقستان رەسپۋبليكاسى پرەزيدەنتىنىڭ كەيبىر جارلىقتارىنا وزگەرىستەر مەن تولىقتىرۋلار ەنگىزۋ جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانۋ تۋرالى» جارلىققا قول قويدى. جارلىق پرەزيدەنتتىڭ 2020 -جىلعى 1-قىركۇيەكتەگى قازاقستان حالقىنا جولداۋىندا جاۋاپتى حاتشىلار ينستيتۋتىن تاراتۋ جونىندەگى تاپسىرماسىن ورىنداۋ ماقساتىندا قابىلدانعان زاڭداردى ىسكە اسىرۋ ءۇشىن ازىرلەندى.

وسىنىڭ الدىندا «قازاقستان رەسپۋبليكاسىنىڭ ۇكىمەتى تۋرالى» كونستيتۋتسيالىق زاڭىنان جاۋاپتى حاتشىلاردىڭ مارتەبەسى مەن وكىلەتتىكتەرىن رەتتەيتىن نورمالار الىنىپ تاستالىپ، اپپارات باسشىلارىنا قاتىستى نورمالار «مەملەكەتتىك قىزمەت تۋرالى» زاڭىمەن بەكىتىلگەن بولاتىن. سونداي- اق، اپپارات باسشىسى مەن مينيستر اراسىندا لاۋازىمدىق وكىلەتتىكتەر مەن جاۋاپكەرشىلىكتىڭ اراجىگىن اجىراتۋ بويىنشا ءتيىستى زاڭنامالىق تۇزەتۋلەر ەنگىزىلدى. وسىعان بايلانىستى، جاۋاپتى حاتشىلاردىڭ وكىلەتتىكتەرىن مينيسترلىكتەر اپپاراتتارىنىڭ باسشىلارىنا جۇكتەۋدى كوزدەيتىن پرەزيدەنتتىڭ ءبىرقاتار جارلىقتارىنا ءتيىستى تۇزەتۋلەر ەنگىزىلدى.

سونداي- اق، جارلىقپەن «قازاقستان رەسپۋبليكاسى ورتالىق اتقارۋشى ورگانىنىڭ جاۋاپتى حاتشىسىنىڭ مارتەبەسى مەن وكىلەتتىكتەرى تۋرالى» جارلىق، «ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە ىرىكتەۋ قاعيدالارى، «ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىن قالىپتاستىرۋ قاعيدالارى جانە «ا» كورپۋسىنىڭ مەملەكەتتىك اكىمشىلىك لاۋازىمىنا ورنالاسۋعا كونكۋرس وتكىزۋ قاعيدالارى جويىلۋعا قويىلدى. جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات