الماتىدا سۋپەرماركەت ازىق- تۇلىك باعاسىن نەگىزسىز كوتەرگەن

الماتى. قازاقپارات - الماتىدا قۇزىرلى ورگاندار الەۋمەتتىك ماڭىزى جوعارى ازىق- تۇلىك باعاسى نەگىزسىز كوتەرىلمەۋ ءۇشىن ساۋدا ۇيلەرى مەن بازارلار، دۇكەندەردى باقىلاپ وتىرادى، دەپ حابارلايدى قازاقپارات ءتىلشىسى.

«جۇرگىزىلگەن مونيتورينگ ناتيجەسىنە سايكەس، قالادا «Carre Food» ساۋدا جەلىسىندەگى ازىق- تۇلىك باعاسى نەگىزسىز قىمباتتاعان. مۇنداي جاعدايدا ساۋدا نىسانى اكىمشىسى ءتۇسىندىرۋ جۇمىستارىن جۇرگىزەدى»، - دەدى اۋەزوۆ اۋداندىق اكىمدىگىنەن.

2020 -جىلدىڭ 1-جەلتوقسانىنان قاراقۇمىق جارماسىنا 90 كۇنگە 361 تگ/كگ (نا %1,4) شەكتى باعا بەلگىلەنگەن. سونىمەن قاتار 30-جەلتوسقاننان باستاپ قانتتىڭ 1 كەلىسىنە 30 كۇنگە 254 تەڭگە شەكتى باعا بەلگىلەنگەن. اۋداندىق اكىمدىكتەر قالالىق كاسىپكەرلىك جانە ينۆەستيتسيالار باسقارماسىمەن تىعىز بايلانىستا جۇمىس ىستەيدى.

«ماسەلەن، ءىرى ساۋدا ورىندارى جەرگىلىكتى بيۋدجەت ەسەبىنەن قارىز الىپ، بەلگىلى ءبىر ۋاقىتقا ازىق- تۇلىك باعاسىن شەكتى باعادا ۇستاپ تۇرۋعا مىندەتتەلەدى. ءبىز ءوز كەزەگىمىزدە باعا بىردەن شارىقتاپ كەتپەۋىن قاداعالايمىز. سونىمەن قاتار، ءىرى ساۋدا ورىندارىنا ارزان باعادا جەتكىزەتىن جەتكىزۋشىلەر تىزىمىنەن الۋدى ۇسىنامىز»، - دەدى اكىمدىكتەن.