يندونەزيادا مىڭداعان ادام دالادا قالدى
ەل پرەزيدەنتى اپاتتان زارداپ شەككەن سۋلاۆەسي ارالىنداعى بارلىق عيماراتتىڭ جوندەلەتىنىن ايتىپ، حالىققا ۋادە بەرىپ وتىر. ال زارداپ شەككەندەرگە ءتيىستى كومەك كورسەتىلەدى دەلىندى. وعان ۇكىمەت قازىنادان قارجى بولگەن. ايتا كەتەيىك، بۇگىندە قاۋىپتى اۋدانداردان شامامەن 10 مىڭ ادام ەۆاكۋاتسيالاندى. ماماندار الداعى ۋاقىتتا دا جەراستى دۇمپۋلەر قايتالانۋى مۇمكىن دەپ ەسكەرتىپ وتىر.
دجوكو ۆيدودو، يندونەزيا پرەزيدەنتى:
- اپاتتان زارداپ شەككەن جەردى ارالاپ شىقتىق. ايماقتاعى مەملەكەتتىك مەكەمەلەر مەن تۇرعىن ۇيلەر قايتا قالپىنا كەلتىرىلەدى. وعان ءتيىستى قاراجات بولىنۋدە. ونىڭ سوماسى عيماراتتىڭ قانشالىقتى زاقىمدانعانىنا بايلانىستى بولادى. ءوڭىردىڭ ينفراقۇرىلىمى مەن ەكونوميكاسىن جانداندىرۋ ءۇشىن بار كۇشىمىزدى سالامىز.
جەر سىلكىنىسى ارگەنتينا تۇرعىندارىنىڭ دا زارەسىن الدى. ايماقتا 6,8 بالدىق جەر سىلكىنىسىنەن كەيىن تاعى بىرنەشە رەت دۇمپۋلەر قايتالانعان. ابىروي بولعاندا ادام شىعىنى بولعان جوق. دەسە دە ونداعان عيمارات قيراپ قالعان. ءزىلزالانىڭ كۇشى چيليگە دە جەتكەن. دۇمپۋلەر اسىرەسە ەل استاناسى سانتياگۋ قالاسىندا قاتتى سەزىلدى. اپاتتان زارداپ شەككەندەر جايلى اقپارات تۇسكەن جوق.