+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

وڭتۇستىك كورەيادا قانشا قازاقستاندىق قىلمىستىق جاۋاپقا تارتىلعان

20 قاڭتار 12:15
:ءبولىسۋ
وڭتۇستىك كورەيادا قانشا قازاقستاندىق قىلمىستىق جاۋاپقا تارتىلعان

نۇر-سۇلتان. قازاقپارات - ق ر باس پروكۋرورىنىڭ ورىنباسارى مارات احمەتجانوۆ كورەيا رەسپۋبليكاسىندا قازاقستاننىڭ 26 ازاماتى قىلمىستىق جاۋاپقا تارتىلىپ جاتقانىن ايتتى، دەپ حابارلايدى قازاقپارات ءتىلشىسى.

«كورەيادا سوتتالعان 25 ادامدى قايتارۋعا تولىق مۇمكىندىك بار. وكىنىشكە قاراي، قازاقستاننىڭ تاعى 26 ازاماتى قىلمىستىق جاۋاپقا تارتىلىپ جاتىر. ولارعا قاتىستى سوت ۇكىمى زاڭدى كۇشىنە ەنبەدى»، - دەدى م. احمەتجانوۆ ءماجىلىستىڭ جالپى وتىرىسىندا.

بۇدان بۇرىن حابارلانعانداي، پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسى مەن كورەيا رەسپۋبليكاسىنىڭ اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى» زاڭ جوباسى ماقۇلداندى. بۇل قۇجات اياسىندا كورەيادا سوتتالعان 25 قازاقستاندىقتى ەلگە قايتارۋعا مۇمكىندىك جاسالماق.

«بۇگىنگى تاڭدا كورەيادا 25 قازاقستاندىق جازاسىن وتەپ جاتىر. بىزدە كورەيانىڭ ءبىر ازاماتى جازاعا تارتىلدى. ۇسىنىلىپ وتىرعان كەلىسىمگە راتيفيكاتسيا جاسالعان جاعدايدا بۇل ازاماتتاردى ەلگە قايتارۋعا مۇمكىندىك تۋادى. ولار ەلگە كەلىپ، الەۋمەتتىك ورتاسىندا جازاسىن وتەيدى»، - دەدى م. احمەتجانوۆ.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات