ترامپ قوشتاسۋ سوزىندە: بىردە-ءبىر سوعىس اشپاعانىما ماقتانامىن

None
None
نۇر-سۇلتان. قازاقپارات - ا ق ش- تىڭ ەكس-پرەزيدەنتى دونالد ترامپ قوشتاسۋ سوزىندە بىردە-ءبىر سوعىس اشپاعانىنا ەرەكشە ماقتاناتىنىن ايتتى، - دەپ حابارلايدى Tengrinews.kz ءتىلشىسى.

«ءبىزدىڭ باتىل ديپلوماتيامىز بەن قاعيداتتى رەاليزمىمىزدىڭ ناتيجەسىندە ءبىز تاياۋ شىعىستاعى ءبىرقاتار تاريحي بەيبىت كەلىسىمگە قول جەتكىزدىك. بۇعان ەشكىم سەنبەدى. مەن سوڭعى ونجىلدىقتا ەشقانداي سوعىس اشپاعان پرەزيدەنت بولعانىما ماقتانامىن»، - دەدى ترامپ.

سونىمەن قاتار، ترامپ يگيل تەرروريستەرى مەن «دەسپوتيكالىق يراندىق رەجيمگە» قارسى سوعىستى اتاپ ءوتتى.

ودان بولەك، ا ق ش- تىڭ ەكس-پرەزيدەنتى ءوزىنىڭ پرەزيدەنتتىگى ءساتتى بولعانىن ايتتى.

«ءبىز ىستەۋىمىز كەرەك نارسەنى ىستەدىك، ءتىپتى ودان دا كوپ. ءبىراق ەڭ الدىمەن ءبىز ۇلى يدەيانى - امەريكادا بيلىك حالىق الدىندا جاۋاپ بەەرتىنىن راستادىق»، - دەدى دونالد ترامپ.

ول دجو بايدەن اكىمشىلىگىنىڭ امەريكانىڭ قاۋىپسىزدىگى مەن وركەندەۋىن قامتاماسىز ەتۋدەگى تابىسى ءۇشىن تىلەكتەس بولاتىنىن ايتتى.

ەسكە سالايىق، ا ق ش- تىڭ 46-پرەزيدەنتى رەتىندە دەموكراتيالىق پارتيانىڭ مۇشەسى دجو بايدەننىڭ يناۋگۋراتسياسى 20- قاڭتار، سارسەنبىدە وتەدى دەپ جوسپارلانعان.

سوڭعى جاڭالىقتار