الماتىدا ۇ ب ت باستالدى: سانيتارلىق نورمالاردى ساقتاۋ ەرەكشە باقىلاۋعا الىندى
ۇ ب ت 20-30- قاڭتار ارالىعىندا الماتى قالاسىنىڭ بەس ج و و بازاسىندا وتەدى. بۇل رەتتە ۇ ب ت وتكىزۋ پۋنكتتەرىندە كۇشەيتىلگەن سانيتارلىق-ەپيدەميولوگيالىق تالاپتاردىڭ ساقتالۋى قامتاماسىز ەتىلەدى.
ءبىلىم الۋشىلار مەن تاربيەلەنۋشىلەردىڭ ءومىرى مەن دەنساۋلىعىن ساقتاۋدى قامتاماسىز ەتۋ، سونداي-اق COVID-19 يفەكتسياسىنىڭ ودان ءارى تارالۋىنىڭ الدىن الۋ ماقساتىندا ۇ ب ت وتكىزۋدىڭ كەلەسى جوسپارى بەكىتىلدى.
ۇ ب ت وتكىزۋ پۋنكتتەرىندە ۇيىمداستىرىلاتىن بولادى:
- مەديتسينالىق پۋنكتتىڭ مەديتسينا قىزمەتكەرى مەن جەدەل مەديتسينالىق كومەك بريگاداسىنىڭ كەزەكشىلىگى؛
- مەديتسينا قىزمەتكەرىنىڭ دەنساۋلىق جاعدايىنا ساۋالناما جۇرگىزىپ، دەنە تەمپەراتۋراسىن ولشەي وتىرىپ، ۇ ب ت وتكىزۋ پۋنكتىنىڭ بارلىق قىزمەتكەرلەرىن كۇن سايىن اۋىسىم الدىنداعى فيلتردى جۇزەگە اسىرۋى، ادامداردىڭ جينالۋىنا جول بەرىلمەيدى، ۆەستيبيۋلدەر مەن دالىزدەردە ادامداردى كۇتۋگە جول بەرىلمەيدى؛
- ىشكە كىرگىزەر كەزدە كەمىندە 2 مەتر الەۋمەتتىك قاشىقتىقتى ساقتاۋ قامتاماسىز ەتىلەدى، شەكتەۋ بەلگىلەرى ورناتىلادى؛
- ۇ ب ت وتكىزۋ پۋنكتتەرىندە دەزينفەكتسيالىق توننەلدەر مەن اياق كيىمگە ارنالعان كىلەمشەلەر، سانيتايزەرلەر ورناتىلادى؛
- شىعا بەرىستە پايدالانىلعان بەتپەردەلەرگە ارنالعان قوقىس جاشىكتەرى ورناتىلادى؛
- جەلدەتۋ رەجيمىن ساقتاۋدى قامتاماسىز ەتە وتىرىپ، پروفيلاكتيكالىق تەكسەرۋ (سۇزگىلەردى اۋىستىرۋدى، اۋا وتكىزگىشتەردى دەزينفەكتسيالاۋدى قوسا العاندا) جۇرگىزە وتىرىپ، جەلدەتۋ جۇيەلەرى مەن اۋانى باپتاۋ جۇيەلەرىنىڭ ۇزدىكسىز جۇمىسىن قامتاماسىز ەتۋ؛
- ۇ ب ت وتكىزۋ پۋنكتى قىزمەتكەرلەرىنىڭ، تەستىلەۋگە قاتىسۋشىلاردىڭ جانە وزگە دە ادامداردىڭ جەكە گيگيەنانى ساقتاۋى ءۇشىن ءتيىستى جاعدايلاردى قامتاماسىز ەتۋ (سانيتارلىق توراپتاردىڭ جۇمىس ىستەۋى، قول جۋۋعا ارنالعان قولجۋعىشتاردىڭ، سابىنداردىڭ، ءبىر رەتتىك سۇلگىلەردىڭ نەمەسە ەلەكتر سۇلگىلەردىڭ، سانيتايزەرلەردىڭ بولۋى)؛
- كۇنىنە كەمىندە 2 رەت ۇ ب ت وتكىزۋ بولجاناتىن بارلىق اۋديتوريالاردى ولارعا قوسا بەرىلگەن نۇسقاۋلىققا سايكەس جۋۋ جانە دەزينفەكتسيالاۋ قۇرالدارىن قولدانا وتىرىپ ىلعالدى تازالىق جۇمىستارى جۇرگىزىلەدى، عيماراتتاردى ءاربىر 1,5-2 ساعات سايىن جەلدەتۋدى جۇزەگە اسىرۋ قاجەت.
بۇدان باسقا، ۇبت وتكىزۋ پۋنكتتەرىندە ۇزدىكسىز ەلەكترمەن جابدىقتاۋ، سونداي-اق قوعامدىق ءتارتىپتى، ورتكە قارسى قاۋىپسىزدىكتى قامتاماسىز ەتۋ ءۇشىن كەزەكشىلىك قامتاماسىز ەتىلەدى.
ۇ ب ت وتكىزىلەتىن جەرلەردە ينفەكتسيانىڭ تارالۋ ءقاۋپىن بولدىرماۋ ءۇشىن ۇ ب ت- عا قاتىسپايتىن ادامدارعا، ونىڭ ىشىندە اتا-انالارعا دا بارۋ ۇسىنىلمايدى.
ەستەرىڭىزگە سالا كەتەيىك، «ۇلتتىق ءبىرىڭعاي تەستىلەۋدى ۇيىمداستىرۋ تۋرالى» ق ر ءبىلىم مينيسترلىگىنىڭ 2020-جىلعى 28- قىركۇيەكتەگى 420№ بۇيرىعىنا وزگەرىستەر مەن تولىقتىرۋلارعا سايكەس ۇ ب ت 4 رەت وتكىزىلەدى (قاڭتار، ناۋرىز، ماۋسىم جانە تامىز ايلارىندا). قوعامدىق جينالاتىن ورىندارعا بارۋ قاجەتتىلىگىن بولدىرماۋ ءۇشىن كوروناۆيرۋستىق ينفەكتسيانىڭ الدىن الۋ بويىنشا شەكتەۋ ءىس-شارالارىن ەنگىزۋگە بايلانىستى تۇلەكتەردىڭ ۇلتتىق ءبىرىڭعاي تەستىلەۋگە قاتىسۋعا وتىنىشتەرىن قابىلداۋ 2020-جىلعى جەلتوقساندا ent2020.testcenter.kz سايتىندا online تىركەۋ ارقىلى جۇزەگە اسىرىلدى.