قازاقستاندا بانك، لومبارد جانە باسقا دا قارجى ۇيىمدارىنىڭ جۇمىس رەجيمى وزگەردى

None
None
الماتى. قازاقپارات - ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى بۇگىن قارجى نارىعى سۋبەكتىلەرىنىڭ جۇمىس رەجيمىن وزگەرتۋ تۋرالى بىرلەسكەن بۇيرىق شىعاردى.

وسىلايشا «قىزىل»، «سارى» جانە «جاسىل» ايماقتاردا قارجى ۇيىمدارىنا كەلەتىن ادام سانىنا شەكتەۋ قويىلدى، دەپ حابارلايدى قازاقپارات ءتىلشىسى.

بۇل ەكىنشى دەڭگەيلى بانكتەرگە، رەزيدەنت ەمەس بانكتەردىڭ فيليالدارىنا، ايىرباستاۋ پۋنكتتەرىنە، يپوتەكالىق ۇيىمدارعا، ساقتاندىرۋ ۇيىمدارىنا، ساقتاندىرۋ بروكەرلەرىنە، نەسيەلىك سەرىكتەستىكتەر مەن لومباردتارعا، تولەم ۇيىمدارى مەن كوللەكتورلىق اگەنتتىكتەرگە قاتىستى.

بۇيرىق قازاقستان رەسپۋبليكاسى ازاماتتارىنىڭ ءومىرى مەن دەنساۋلىعىن قورعاۋ، سونداي-اق كوروناۆيرۋس ينفەكتسيانىڭ تارالۋىنا جول بەرمەۋ ماقساتىندا قابىلداندى.

بۇيرىققا سايكەس، قىزمەتتەر بارىنشا ونلاين رەجيمدە كورسەتىلۋى كەرەك.

«قىزىل» ايماققا» جاتاتىن وڭىرلەردە كۇشەيتىلگەن سانيتاريالىق-دەزينفەكتسيالىق رەجيم شارالارى قاتاڭ ساقتالۋى ءتيىس. سونداي-اق قىزمەتكەردەردىڭ %60 قاشىقتان جۇمىس ىستەۋگە اۋىسادى.

«سارى» جانە «جاسىل» ايماقتاردا - حالىققا قىزمەت كورسەتكەن كەزدە كۇشەيتىلگەن سانيتاريالىق-دەزينفەكتسيالىق رەجيم شارالارىن قاتاڭ ساقتاعان جاعدايدا، وندىرىستىك قاجەتتىلىك كەزىندە قاشىقتان جۇمىس ىستەۋ نىسانىنا فيليالدىڭ شتات سانىنىڭ كەمىندە %30 اۋىسادى.

«ەكىنشى دەڭگەيدەگى بانكتەر كليەنتتەر وپەراتسيالارىن وڭدەۋدى جۇزەگە اسىراتىن قىزمەتتەردىڭ جۇمىسىن ۇيىمداستىرۋدى جانە بانكوماتتاردىڭ، تەرمينالداردىڭ، ينتەرنەت-بانكينگتىڭ، موبيلدىك بانكينگتىڭ جانە باسقا دا كليەنتتەردىڭ بانكتىك شوتتارىن قاشىقتان باسقارۋ جۇيەلەرىنىڭ، ينكاسساتورلىق قىزمەتتىڭ، call-قىزمەتتىڭ، تولەم كارتالارىن جەتكىزۋ قىزمەتىنىڭ، سونداي-اق ولاردىڭ ۇيعارۋى بويىنشا باسقا قىزمەتتەردىڭ ۇزدىكسىز جۇمىس ىستەۋىن قامتاماسىز ەتسىن.

سونىمەن قاتار، ەكىنشى دەڭگەيدەگى بانكتەر جانە ايرىقشا قىزمەتى بانكنوتتاردى، مونەتالاردى جانە قۇندىلىقتاردى ينكاسساتسيالاۋ بولىپ تابىلاتىن زاڭدى تۇلعالار ەكونوميكا سۋبەكتىلەرى مەن حالىقتى قولما-قول اقشامەن قامتاماسىز ەتۋ بويىنشا ۇزدىكسىز قىزمەتتى، ونىڭ ىشىندە بانكوماتتاردى قولما-قول اقشامەن ۋاقتىلى تولىقتىرۋدى جانە ولاردىڭ كىدىرىسسىز جۇمىسىن جۇزەگە اسىرۋدى قامتاماسىز ەتۋى ءتيىس» دەلىنگەن بۇيرىقتا.

ۇلتتىق بانك پەن اگەنتتىكتىڭ بىرلەسكەن بۇيرىعى 2021-جىلدىڭ 19- قاڭتارىندا كۇشىنە ەندى جانە ق ر باس مەملەكەتتىك سانيتار دارىگەرىنىڭ قاۋلىسىندا كورسەتىلگەن شەكتەۋ شارالارى الىنعانعا دەيىن كۇشىندە بولادى.

سوڭعى جاڭالىقتار