قاۋىپسىزدىك بەلدىگىن كىم ويلاپ تاپتى؟
تىزىمدە شۆەد ينجەنەرى نيلس ءبوليننىڭ ونەرتابىسى دا بار.
نيلس بولين كولىك جاساۋ سالاسىندا جوعارى ءبىلىم الىپ، Svenska Aeroplan Aktiebolaget (SAAB) كومپانياسىنا جۇمىسقا تۇرادى. ونىڭ باسقا ارىپتەستەرى ۇشاقتى جىلدام ءارى قۋاتتى ەتىپ جاساۋمەن اينالىسسا، ءنيلستى پيلوتتاردىڭ قاۋىپسىزدىگى الاڭداتاتىن.
1956-جىلى العاش رەت اعايىندى ليگوندار Ford كولىگىنە ەكى نۇكتەلى قاۋىپسىزدىك بەلدىگىن جاسادى. كولىك اپاتى بولا قالسا، مۇنداي قاۋىپسىزدىك بەلدىگى جۇرگىزۋشىلەردىڭ كولىكتەن ۇشىپ كەتپەۋىنە جاعداي جاسايدى. الايدا كەي جاعدايدا بۇل بەلدىك قۇرساق قۋىسىن اۋىر جاراقاتتايتىن بولعان.
Volvo كومپانياسىنىڭ پرەزيدەنتى گۋننار ينگەللاۋعا بۇل ونەرتابىس اسەر ەتكەنى سونشالىق، ول الەمدەگى ەڭ قاۋىپسىز كولىكتەردى جاساۋدى قولعا الادى. سول ءۇشىن ول اۆياتسيا سالاسىندا قاۋىپسىزدىك ءۇشىن جاۋاپ بەرەتىن قىزمەتكەردى ىزدەيدى. وسىلايشا نيلس بولين Volvo كومپانياسىنا جۇمىسقا تۇرادى.
باستاپقىدا شۆەد ينجەنەرى اۆياتسيادا قولداناتىن قاۋىپسىزدىك بەلدىگىن جاي عانا كولىككە ىڭعايلاپ جاساۋدى ويلاستىرعان. پيلوتتار قاۋىپسىزدىك ءۇشىن قانشا ىڭعايسىز بولسا دا، بەلدىكتى تاققان، ال كولىك جۇرگىزۋشىلەرى ىڭعايسىزدىققا كونبەگەن. سوندىقتان اۆياتسياداعى ءتورت نۇكتەلى بەلدىكتەر جارامسىز بولىپ قالدى.
ءبىر جىل بويى نيلس قاۋىپسىزدىك بەلدىگىنىڭ ءتۇر-ءتۇرىن قاراستىرادى. ناتيجەسىندە قازىرگى قاۋىپسىزدىك بەلدىگىنىڭ العاشقى پروتوتيپىن جاساپ شىعادى. بەلدىك جۇرگىزۋشىنىڭ بەلى مەن كەۋدەسىن ۇستاپ تۇرادى. ال قاۋىپسىزدىك بەلدىگىن ءبىر قولمەن الىپ-سالۋ ونى ودان سايىن ىڭعايلى ەتە ءتۇستى.
1959-جىلى Volvo كولىكتەرىندە ءۇش نۇكتەلى بەلدىكتەر قويىلا باستادى. Volvo كومپانياسى ونەرتابىسىنا پاتەنت الىپ، ونى كەڭىنەن قولدانۋعا رۇقسات ەتتى. وسىلايشا كولىك نارىعىندا قاۋىپسىزدىك بەلدىگىنىڭ ءداۋىرى باستالدى.
massaget.kz