ساحارا ءشولىن قار باستى
فوتوگراف كاريم بۋچەتاتا وسى ەرەكشە كورىنىستى سۋرەتكە تۇسىرگەن. ول ءالجيردىڭ اين سافرا قالاسىنىڭ ماڭىنداعى قار باسقان ءشول دالادا جانە ساۋد ارابياسىنىڭ سولتۇستىگىندەگى تابۋك قارلى شولىندە جۇرگەن تۇيەلەر مەن قويلاردى سۋرەتكە ءتۇسىردى.
اين-سافرا ساحارا ءشولىنىڭ شەتىندە ورنالاسقان، ونى «ءشول قاقپاسى» دەپ تە اتايدى. بۇل اۋداندا قار 2017- جانە 2018-جىلى دا جاۋعان. ال وعان دەيىن قار جاۋۋى تۋرالى جاعداي 1979-جىلى اقپاندا عانا تىركەلگەن.
The Sun باسىلىمىنىڭ حابارلاۋىنشا، ساحارا شولىندەگى تەمپەراتۋرا ىستىق ماۋسىمدا 50+ گرادۋسقا دەيىن كوتەرىلىپ، سۋىق مەزگىلدە 12+ گرادۋسقا دەيىن تومەندەيدى. الايدا، بيىل قاڭتاردا تەمپەراتۋرا 0 گرادۋستان تومەندەگەن.
قاڭتار -ساۋد ارابياسىنداعى ەڭ سۋىق اي. ورتاشا تەمپەراتۋرا 20+ گرادۋس بولادى. تابۋك - ەلدەگى ەڭ سۋىق ايماقتىڭ ءبىرى. 10- قاڭتاردا وسى تاۋلى ايماققا قالىڭ قار جاۋدى. ليۆان، سيريا جانە يران دا قار استىندا قالدى.
ساراپشىلار ءشولدىڭ قاتال كليماتى مەن قۇرعاقشىلىعىنا قاراماستان، 15 مىڭ جىلدان كەيىن ساحارا قايتادان جاسىل جەلەك جامىلعان ايماققا اينالادى دەيدى.
massaget.kz