ۆيتسە-مينيستر ابىلايحان وسپانوۆ قىزمەتىنەن بوساتىلدى

نۇر-سۇلتان. قازاقپارات - قازاقستان رەسپۋبليكاسى ۇكىمەتىنىڭ قاۋلىسىمەن ابىلايحان ەسەن ۇلى وسپانوۆ بەرگەن وتىنىشىنە سايكەس قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى قىزمەتىنەن بوساتىلدى، دەپ حابارلايدى primeminister.kz.

ابىلايحان وسپانوۆ 1986-جىلى 16- ماۋسىمدا الماتى قالاسىندا دۇنيەگە كەلگەن.

ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىن، ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىن ءتامامداعان.

ءار جىلدارى «جاسىل ەل» جاستار ەڭبەك جاساقتارىنىڭ رەسپۋبليكالىق شتابىندا، ءتۇرلى كوممەرتسيالىق ۇيىمداردا، «ۇلتتىق اقپاراتتىق تەحنولوگيالار» ا ق، ىشكى ىستەر، بايلانىس جانە اقپارات، كولىك جانە كوممۋنيكاتسيالار، ينۆەستيتسيالار جانە دامۋ مينيسترلىكتەرىندە، ق ر بايلانىس جانە اقپارات اگەنتتىگىندە، «نۇر وتان» پارتياسى ورتالىق اپپاراتىنىڭ قابىلداۋىندا، «الماتى قالاسىن دامىتۋ ورتالىعى» ا ق جۇمىس ىستەدى.

2017-2019-جىلدارى «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق باسقارما ءتوراعاسى بولدى.