پرەزيدەنت ءالىمعازى رايىمبەكوۆتىڭ وتباسىنا كوڭىل ايتۋ جەدەلحاتىن جولدادى

نۇر- سۇلتان. قازاقپارات - مەملەكەت باسشىسى قاسىم- جومارت كەمەل ۇلى توقايەۆ ق ر مادەنيەت قايراتكەرى، الماتى وبلىسىنىڭ قۇرمەتتى ازاماتى، بەلگىلى كينو اكتەرى ءالىمعازى سماعۇل ۇلى رايىمبەكوۆتىڭ دۇنيەدەن وتۋىنە بايلانىستى ونىڭ وتباسىنا كوڭىل ايتۋ جەدەلحاتىن جولدادى، دەپ حابارلايدى قازاقپارات.

بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا جازدى.

«ءالىمعازى سماعۇل ۇلى قازاق كينوسىنىڭ تاڭداۋلى تۋىندىلارىنىڭ ءبىرى - «تاقيالى پەرىشتە» كينوفيلمىندەگى تايلاقتىڭ ءرولىن ۇلكەن شەبەرلىكپەن سومداعان. ودان كەيىن دە بىرنەشە كينوكارتينالارعا ءتۇسىپ، كورەرمەن قاۋىمنىڭ ىستىق ىقىلاسىنا بولەندى. مارقۇمنىڭ جانى ءجانناتتا، يمانى سالامات بولسىن»، - دەلىنگەن جەدەلحاتتا.

ەسكە سالا كەتسەك، بۇگىن «تاقيالى پەرىشتە» فيلمىنىڭ باس كەيىپكەرى، اتى اڭىزعا اينالعان اكتەر، قازاقستان رەسپۋبليكاسىنىڭ مادەنيەت قايراتكەرى، الماتى وبلىسىنىڭ قۇرمەتتى ازاماتى ءالىمعازى رايىمبەكوۆ ومىردەن وزعانى حابارلانعان ەدى.