رۋدنىي قالاسىندا تۇرمەدەن قاشقان ەكى قىلمىسكەر ۇستالدى
وسى جىلدىڭ 16 - قاڭتارىندا كەشكى ساعات 21:00 شاماسىندا كولونيانىڭ كەزەكشى قىزمەتكەرى تۇزەۋ مەكەمەسىنىڭ اۋماعىندا سوتتالعان ەكى تۇرعىننىڭ جوق ەكەنىن انىقتاعان. 1986 جانە 1996 -جىلى تۋعان ەكى ەر ادام كولونيانىڭ تەرەزەسىن سىندىرىپ، قاشىپ كەتكەن.
«مەكەمە باسشىلىعى دابىل كوتەرىپ، جەكە قۇرام باعدارلاندى. ەكى سوتتالۋشى رۋدنىي قالاسىندا تۇرعان، سوندىقتان رۋدنىي قالاسى پوليتسيا باسقارماسىنىڭ قىزمەتكەرلەرى كۇشەيتىلگەن قىزمەت اتقارۋ رەجيمىنە اۋىستىرىلدى. جەدەل ىزدەستىرۋ ءىس- شارالارى كەزىندە قالاداعى جالدامالى پاتەرلەر، قىلمىسكەرلەردىڭ دوستارى مەن تۋىستارى تەكسەرىلدى. سول كۇنى ءتارتىپ ساقشىلارى سوتتالعانداردى ۇستادى» دەلىنگەن ۆەدومستۆو حابارلاماسىندا. قازىرگى ۋاقىتتا ءىس سوتقا بەرىلدى، ال سوتتالعانداردىڭ وزدەرى قوستاناي قالاسىنىڭ تەرگەۋ يزولياتورىنا قامالدى.
اۆتور: قاسقىرباي قويشىمانوۆ