نۇرسۇلتان نازاربايەۆ دميتري مەدۆەديەۆپەن تەلەفون ارقىلى سويلەستى

نۇر- سۇلتان. قازاقپارات - «Nur Otan» پارتياسىنىڭ ءتوراعاسى نۇرسۇلتان نازاربايەۆ «ەدينايا روسسيا» بۇكىل رەسەيلىك ساياسي پارتياسىنىڭ ءتوراعاسى، رەسەي فەدەرتسياسىنىڭ قاۋىپسىزدىك كەڭەسى ءتوراعاسىنىڭ ورىنباسارى دميتريي مەدۆەديەۆپەن تەلەفون ارقىلى سويلەستى، دەپ حابارلايدى قازاقپارات elbasy.kz-كە سىلتەمە جاساپ.

دميتريي مەدۆەديەۆ ەلباسىنى قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتى سايلاۋىندا «Nur Otan» پارتياسىنىڭ ايقىن جەڭىسكە جەتۋىمەن قۇتتىقتادى. سونداي- اق ول داۋىس بەرۋ ناتيجەلەرى جالپىۇلتتىق سەنىمدى جانە پارتيانىڭ ەلدى وركەندەتۋگە باعىتتالعان ستراتەگيالىق باعدارىن قولدايتىنىن كورسەتكەنىن اتاپ ءوتتى.

نۇرسۇلتان نازاربايەۆ دميتريي مەدۆەديەۆكە جىلى لەبىزدەرى ءۇشىن ريزاشىلىعىن ءبىلدىرىپ، قازاقستان- رەسەي ستراتەگيالىق جانە وداقتاستىق قاتىناستارىنىڭ رۋحى مەن مازمۇنىنا ساي كەلەتىن «Nur Otan» مەن «ەدينايا روسسيا» پارتيالارىنىڭ اراسىنداعى ىنتىماقتاستىق جوعارى دەڭگەيدە ەكەنىنە توقتالدى. تاراپتار الداعى ۋاقىتتا دا ەكى ەلدىڭ باستى پارتيالارى اراسىنداعى ءوزارا ءىس- قيمىلدى ودان ءارى تەرەڭدەتۋ جانە كەڭەيتۋ جونىندە پىكىر ءبىلدىردى.