16:47, 19 - قاڭتار 2021 | GMT +6
نۇر- سۇلتاندا ەر ادام ايەلىن ءولتىرىپ، ارتىنان وزىنە قول جۇمساعان
نۇر- سۇلتان. قازاقپارات - 16 - قاڭتاردا ەلورداداعى تۇرعىن ءۇي كەشەنىنىڭ بىرىندە كىسى ءولتىرۋ وقيعاسى بولدى، دەپ حابارلايدى قازاقپارات نۇر- سۇلتان قالاسىنىڭ پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
پاتەرلەردىڭ بىرىندە تۋىستار اراسىندا جانجال بولىپ، كۇيەۋى ايەلىنە پىشاق سۇققان. سودان كەيىن ونىڭ اپكەسىنە دە بىرنەشە جاراقات سالعان. قايىن اپكەسى پاتەردەن قاشىپ شىعىپ، كورشىلەرىن كومەككە شاقىرىپ ۇلگەرگەن. كورشىلەرى پوليتسياعا قوڭىراۋ شالعان. بۇل ۋاقىتتا ەر ادام پاتەردىڭ ەسىگىن جاۋىپ العان. پوليتسيا قىزمەتكەرلەرى ەسىكتى بۇزىپ كىرگەندە 46 جاستاعى ايەل مەن ونىڭ جۇبايىنىڭ ءمايىتىن تاپقان. ەر ادام ءوزىن دە پىشاقتاپ تاستاعانى بەلگىلى بولدى. اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.