وسكەمەندە جوعالىپ كەتكەن جاس ءوسپىرىم تابىلدى

وسكەمەن. قازاقپارات - وسكەمەندىك پوليتسەيلەر جوعالىپ كەتكەن جاس ءوسپىرىمدى تاۋىپ الدى، دەپ حابارلايدى قازاقپارات ءتىلشىسى.

شىعىس قازاقستان وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 13-قاڭتاردا ساعات 10.00 شاماسىندا «102» ارناسىنا جاسوسپىرىمدەر ءۇيىنىڭ قىزمەتكەرلەرى حابارلاسىپ، سول كۇنى ساعات 09.00-دە 17 جاستاعى بالانىڭ سىرتقا شىعىپ، ءالى كۇنگە دەيىن ورالماعاندىعى تۋرالى ايتتى. پوليتسيا قىزمەتكەرلەرى جاس ءوسپىرىمنىڭ قايدا ەكەنىن انىقتاۋ ءۇشىن جەدەل- ىزدەستىرۋ شارالارىن جۇرگىزدى. ونىڭ تۋعان- تۋىسقاندارى، دوستارى مەن تانىستارىنىڭ مەكەن- جايلارى تۇگەل تەكسەرىلدى. ساقشىلار كوشەلەردى، اۋلالاردى، جالعا بەرىلەتىن پاتەرلەر مەن باسقا دا قوعامدىق ورىنداردى ارالادى.

«سونىڭ ناتيجەسىندە 18-قاڭتاردا تاڭعى ساعات 05.00-دە جوعالعان جاس ءوسپىرىم اناسىنىڭ ۇيىنەن تابىلدى. پوليتسەيلەر كامەلەتكە تولماعان بالا اناسىنىڭ ءۇيى ماڭىندا كەزەكشىلىك ۇيىمداستىرعان ەدى. تەكسەرۋ بارىسىندا انىقتالعانى، جاس ءوسپىرىمنىڭ اناسى اتا-انا قۇقىعىنان ايىرىلعان، ال اكەسى قايتىس بولعان»، - دەپ حابارلادى ۆەدومستۆو وكىلدەرى.

قازىرگى ۋاقىتتا پوليتسيا قىزمەتكەرلەرى بالانى «جاسوسپىرىمدەر ءۇيى» ك م م زاڭدى وكىلىنە تاپسىردى. ولاردىڭ ايتۋىنشا، بالا بۇل مەكەمەدەن بۇرىن دا بىرنەشە رەت قاشقان.

اۆتور: تالعاتجان مۇحامەتبەك ۇلى