الماتىلىقتار ۆيرۋستى قايدان جۇقتىرىپ جاتىر

الماتى. قازاقپارات - الماتىلىقتار كوروناۆيرۋس ينفەكسياسىن قوعامدىق ورىنداردان جۇقتىرىپ جاتىر، دەپ حابارلايدى قازاقپارات ءتىلشىسى.

قاڭتار ايىنىڭ سوڭعى 2 اپتاسىندا جۇقتىرۋ ورىندارى بەلگىلى بولدى.

«جۇرگىزىلگەن تالداۋعا سايكەس، ادامدار ۆيرۋستى قوعامدىق ورىنداردان (40.1 پايىز)، وتباسىندا ك ۆ ي- مەن اۋىراتىن ناۋقاسپەن بايلانىستان (27.4 پايىز)، قالالىق كولىكتەن (22.8 پايىز)، جۇمىستا ك ۆ ي- مەن اۋىراتىن ناۋقاسپەن بايلانىستان (5.6 پايىز)، شەت ەلدەردەن جانە ق ر وڭىرلەرىنەن (2.6 پايىز) جۇقتىرىپ جاتىر. كوبىنەسە 20 - 39 جاس - 34,7 پايىز، 40 - 59 جاس - 28,7 پايىز، 60 جاستان جوعارى ادامدار سانى 21,3 پايىز بولىپ وتىر»، - دەدى اكىمدىكتەن.

قالانىڭ ينفەكسيالىق ستاتسيونارلارىندا (1866 توسەك) 763 پاتسيەنت بار، ونىڭ ىشىندە 16 سى اسا اۋىر جاعدايدا، 141 ناۋقاستىڭ جاعدايى اۋىر، 604 ادامنىڭ جاعدايى ورتاشا اۋىر، 2 - جەڭىل. الماتى اكىمى باقىتجان ساعىنتايەۆتىڭ تاپسىرماسى بويىنشا، ەكىنشى تولقىنعا دايىندىق اياسىندا قالا بويىنشا 7011 ورىندىق 23 كوۆيدتى ستاتسيونار (ونىڭ ىشىندە 250 رەانيماتسيالىق) دايىندالدى. ەمحانالارداعى مەديتسينالىق جابدىقتار جاڭاردى. ەكى جاڭا ەمحانانىڭ قۇرىلىسى اياقتالدى.

ولار 500 توسەك- ورىنعا ارنالعان ينفەكسيالىق گوسپيتال، 300 توسەك- ورىنعا ارنالعان مودۋلدىك ستاتسيونار. وسىلايشا، سوڭعى ءۇش ايدا ينفەكسيالىق توسەك سانى ەكى ەسەگە ارتتى.

سونىمەن قاتار، العاشقى مەديتسينالىق- سانيتارلىق كومەك ۇيىمدارىنىڭ جۇمىسى كۇشەيتىلدى. 73 ەمحانادا 298 موبيلدى بريگادا جۇمىس ىستەيدى. مەديتسينا قىزمەتكەرلەرىنىڭ قاۋىپسىزدىگى مەن دايىندىعىنا ەرەكشە نازار اۋدارىلدى. جەكە قورعانىش قۇرالدارىنىڭ قورى قۇرىلدى.

ەپيدەمياعا قارسى ءىس- شارالارعا تارتىلعان مەديتسينا قىزمەتكەرلەرىنەن باسقا 2450 ماماننان تۇراتىن كادرلىق رەزەرۆ دايىندالدى. تاۋلىگىنە 14600 زەرتتەۋ جۇرگىزەتىن 23 پ ت ر زەرتحانا جۇمىس ىستەيدى، بولاشاقتا 22700 زەرتتەۋگە دەيىن ۇلعايتۋ مۇمكىندىگى بار. پاندەميا باستالعاننان بەرى الماتى اۋماعىندا ورنالاسقان زەرتحانالاردا بارلىعى 826 مىڭ پ ت ر زەرتتەۋ جۇرگىزىلدى. سونداي- اق، تاۋلىگىنە 3056 زەرتتەۋ وتكىزۋ قۋاتى بار 12 ي ف ت زەرتحانا جۇمىس ىستەيدى.