كوروناۆيرۋس: ىندەت ەڭ كوپ تارايتىن كەز ناۋرىزدىڭ سوڭىنا كەلۋى مۇمكىن - مينيستر

نۇر-سۇلتان. قازاقپارات - قازاقستاندا كوروناۆيرۋس ىندەتى ەڭ كوپ تارايتىن كەز ناۋرىزدىڭ سوڭىندا كەلۋى ىقتيمال.

مۇنداي بولجامدى ۇكىمەت وتىرىسىندا دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.

«ىندەتتى جۇقتىرۋ دەڭگەيى وسى جىلدىڭ ناۋرىز ايىنىڭ سوڭىندا كوپ تىركەلۋى مۇمكىن. وپتيميستىك سەناري بويىنشا تاۋلىگىنە 3 مىڭ جاعدايعا دەيىن كۇتىلۋدە، ال توسەك قورىنىڭ بارىنشا قامتىلۋى 24 مىڭعا دەيىن جەتۋى مۇمكىن. دەگەنمەن، اتالعان سەناري كەزىندە قاتاڭ كارانتين تالاپتارىن ەنگىزۋ جوسپارلانىپ وتىرعان جوق»، - دەدى الەكسەي سوي ۇكىمەت وتىرىسىندا.

ايتا كەتەيىك، بۇگىنگى ۇكىمەت وتىرىسىندا دەنساۋلىق ساقتاۋ ءمينيسترى الەكسەي سوي ۆاكسينا 1-اقپاننان باستاپ ەگىلەتىنىن جانە ەڭ الدىمەن كىمدەرگە سالىناتىنىن ايتقان بولاتىن.

اۆتور: ايان بەكەن ۇلى