كوروناۆيرۋس: «قىزىل» ايماققا تاعى ءبىر وبلىس كىردى

None
None
نۇر- سۇلتان. قازاقپارات – 19-قاڭتاردا كوروناۆيرۋس ينفەكسياسىنىڭ تارالۋ دەڭگەيى جاعىنان «قىزىل» ايماققا سولتۇستىك قازاقستان وبلىسى كىردى، دەپ حابارلايدى قازاقپارات ءتىلشىسى.

«دەنساۋلىق ساقتاۋ مينيسترلىگى ەلدەگى ەپيدەميولوگيالىق احۋالعا كۇن سايىن تالداۋ جۇرگىزىپ وتىر. جىل باستالعالى «سارى» ايماقتان «قىزىل» ايماققا ءۇش ءوڭىر، قوستاناي، پاۆلودار وبلىستارى مەن نۇر-سۇلتان قالاسى ءوتتى.

«جاسىل» ايماقتان «سارى» ايماققا الماتى مەن قاراعاندى وبلىستارى ءوتتى. وسىلايشا، 19-قاڭتارداعى جاعداي بويىنشا «قىزىل» ايماقتا 6 ءوڭىر تۇر. ولار: اقمولا، پاۆلودار، اتىراۋ، قوستاناي، سولتۇستىك قازاقستان وبلىستارى مەن نۇر-سۇلتان قالاسى. «سارى» ايماقتا ءۇش ءوڭىر بار: ب ق و، الماتى مەن قاراعاندى وبلىستارى. قالعان 8 ءوڭىر «جاسىل» ايماقتا»، - دەدى دەنساۋلىق ساقتاۋ ءمينيسترى الەكسەي سوي ۇكىمەت وتىرىسىندا.

ەسكە سالا كەتسەك كەشە، ياعني 18-قاڭتاردا قازاقستاننىڭ 4 وبلىسى مەن 1 قالاسى، اتاپ ايتقاندا، اقمولا، قوستاناي، پاۆلودار، اتىراۋ وبلىسى مەن نۇر-سۇلتان قالاسى «قىزىل» ايماقتا بولعان ەدى.


سوڭعى جاڭالىقتار