جامبىل وبلىسىندا « قىزىل كىتاپقا» ەنگەن قاراقۇيرىقتى اتقان براكونەر ۇستالدى

تاراز. قازاقپارات - جامبىل وبلىسىندا زاڭسىز اڭ اۋلاعاندار قۇرىقتالدى، - دەپ حابارلايدى قازاقپارات ءتىلشىسى.

جامبىل وبلىسى اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ «مامانداندىرىلعان» ساپسان «جەدەل قىزمەتىنىڭ» ينسپەكتورلارى سارىسۋ اۋدانىنان قىزىل كىتاپقا ەنگەن قاراقۇيرىقتى اتىپ العان ازاماتتى ۇستادى. ودان 2 اڭشى مىلتىعى تاركىلەنىپ الىندى. شارا سارىسۋ ورمان شارۋاشىلىعى مەكەمەسى جانە سارىسۋ اۋداندىق پوليتسيا بولىمشەسىمەن بىرلەسىپ جۇرگىزىلدى. زاڭدى بۇزعان ازاماتقا سالىنعان ايىپپۇل كولەمى 400 ايلىق ەسەپتىك كورسەتكىش كولەمىندە. تاركىلەنگەن قارۋلار سارىسۋ اۋداندىق پوليتسيا بولىمشەسىنە وتكىزىلدى.

«سونداي- اق، جەدەل قىزمەت ماماندارى جابايى قاباندى اتىپ العان ازاماتتى دا ۇستادى. وقيعا سارىسۋ اۋدانىنداعى جايلاۋكول ەلدى مەكەنىنىڭ ماڭايىندا ورىن العان. كەشكى ساعات 19.30 شاماسىندا كۇدىكتى ازاماتتى توقتاتىپ تەكسەرگەندە ونىڭ قاسىندا تىركەلمەگەن 16 كاليبرلى اڭشى مىلتىعى بولعان. بۇل ايعاق زاتتار سارىسۋ اۋداندىق پوليتسيا بولىمشەسىنە وتكىزىلدى. ەندى ۇستالعان ازاماتقا 250 ايلىق ەسەپتىك كورسەتكىش كولەمىندە ايىپپۇل سالىندى»، - دەپ حابارلايدا اتالعان باسقارمانىڭ باسپا ءسوز قىزمەتى.