قان قىسىمىن ءتۇسىرۋ ءۇشىن قانداي جاتتىعۋ جاساعان دۇرىس؟

نۇر-سۇلتان. قازاقپارات - قان قىسىمىن ءتۇسىرۋدىڭ بىردەن- ءبىر جولى - سوزىلۋ. كانادا عالىمدارى وسىنداي تۇجىرىمعا كەلدى، دەپ جازادى Journal of Physical Activity and Health عىلىمي جۋرنالى.

زەرتتەۋ جۇرگىزگەن عالىمدار گيپەرتونياعا شالدىققان ادامدارعا كوپ جاياۋ ءجۇرۋ كەرەگىن، ۆەلوسيپەد تەۋىپ، شاڭعىمەن سىرعاناۋ قاجەت ەكەنىن ايتادى. سوندا قانداعى حولەستەرين مەن قانتتىڭ مولشەرى تومەندەپ، قان اينالىمى جاقسارادى.

ال قان قىسىمى جوعارى ادامدارعا ۇيدە وتىرىپ جاساۋعا ىڭعايلى ەڭ ءتيىمدى دەنە جاتتىعۋ - ول سوزىلۋ مەن كەرىلۋ. ياعني، دەنەنى سوزۋ. مۇنداي جاتتىعۋعا كوپ ۋاقىت كەتپەيدى ءارى كينو كورىپ وتىرىپ- اق جاساۋعا بولادى.

«بۇلشىق ەتتى سوزعان كەزدە، وعان قورەكتىك زاتتار تاسيتىن قان تامىرى دا سوزىلىپ، يكەمگە كەلەدى. ال كۇندە سوزۋ جاتتىعۋلارىن جاساعان ادامنىڭ قان تامىرلارى دا جۇمسارىپ، يىلگىش بولا باستايدى. سوندا قان اينالىمى دا جاقسارادى»، - دەپ تۇسىندىرەدى عالىمدار.