قازاقستاننىڭ باسىم بولىگىندە قار جاۋادى - سەيسەنبىگە ارنالعان اۋا رايى
وڭتۇستىك كاسپي تسيكلونىنىڭ اسەرىنەن ەلىمىزدىڭ باسىم بولىگىندە قار، وڭتۇستىك، وڭتۇستىك- باتىسىندا جاۋىن- شاشىن (جاڭبىر، قار) جاۋادى. رەسپۋبليكانىڭ كەي جەرلەرىندە تۇمان، جاياۋ بۇرقاسىن، وڭتۇستىك، وڭتۇستىك- باتىسىندا كوكتايعاق، جەلدىڭ كۇشەيۋى، وڭتۇستىك- شىعىسىندا وتە قاتتى جەل كۇتىلەدى.
الماتى وبلىسىنىڭ جالاڭاشكول اۋدانىندا جەل 18-23، كۇندىز ەكپىنى 30 م/س كۇشەيەدى. جامبىل وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى، جەل 15-20، كۇندىز ەكپىنى 23-28 م/س كۇشەيەدى.
تۇركىستان، شىعىس قازاقستان وبلىستارىنىڭ كەي جەرلەرىندە تۇمان كۇتىلەدى، جەل 15-20 م/س، شىعىس قازاقستان وبلىسىندا تاڭەرتەڭ جانە كۇندىز ەكپىنى 23 م/س كۇشەيەدى.
اقمولا، سولتۇستىك قازاقستان، پاۆلودار، قوستاناي، اتىراۋ، باتىس قازاقستان، قىزىلوردا وبلىستارىنىڭ كەي جەرلەرىندە تۇمان، قوستاناي، باتىس قازاقستان وبلىستارىنىڭ كەي جەرلەرىندە جاياۋ بۇرقاسىن، اتىراۋ، كۇندىز قىزىلوردا وبلىستارىنىڭ كەي جەرلەرىندە كوكتايعاق بولادى. ماڭعىستاۋ وبلىسىنىڭ كەي جەرلەرىندە كوكتايعاق، تۇندە جانە تاڭەرتەڭ - تۇمان كۇتىلەدى. اقتوبە وبلىسىنىڭ كەي جەرلەرىندە تۇندە تۇمان، كۇندىز كوكتايعاق كۇتىلەدى. قاراعاندى وبلىسىنىڭ كەي جەرلەرىندە تۇمان كۇتىلەدى، كۇندىز جەل جاياۋ بۇرقاسىنمەن 15-20 م/س كۇشەيەدى.