وسكەمەندە ساياجايلاردى سۋ باسۋى مۇمكىن

نۇر-سۇلتان. قازاقپارات - كۇن رايى كۇرت جىلىنسا، وسكەمەندەگى كەي ساياجايلاردى سۋ باسۋى مۇمكىن، دەپ حابارلايدى «حابار 24». اسىرەسە ەرتىستىڭ تومەنگى ساعاسىنداعى ەلدى مەكەندەرگە قاۋىپ تونەدى.

سوڭعى 10 كۇندە ايماقتا قاتتى اياز بولعاندىقتان، وزەننىڭ كەي تۇستارىنا مۇز قاتىپ، سۋ جايىلعان. توتەنشە جاعداي ماماندارىنىڭ مالىمەتى بويىنشا وزەن ارناسى تار جەرلەردە ەرتىستىڭ دەڭگەيى شامامەن 15-20 سانتيمەترگە دەيىن كوتەرىلگەن. سوندىقتان جاعاداعى كەي ساياجايلارعا سۋ جاقىنداعان. ءبىراق ازىرگە ارناسىنان اسقان جوق. كەشەلى بەرى وڭىردە اۋا رايى ءسال جىلىدى. وزەن دەڭگەيى قايتا تۇسە باستادى.

جالپى وسكەمەندە سۋ باسۋى مۇمكىن 8 اۋماق بار. ولار ۇنەمى ماماندار باقىلاۋىندا بولادى.

داستان احمەتوۆ، قالالىق ت ج ب باسشىسىنىڭ ورىنباسارى:

- ماڭايداعى ساياجاي ۇيلەرىن سۋ باسۋ قاۋپى جوق. مونيتورينگ جاساپ، باقىلاۋ جۇرگىزىپ وتىر. جانە توتەنشە جاعدايلار باسقارماسى ءبارى بىرگە.