«قىزىل» ايماقتاعى پاۆلوداردىڭ اۋىلدىق جەرلەرىندە كوروناۆيرۋس ءورشىپ تۇر
بۇل جايىندا وبلىس اكىمدىگى باسپا ءسوز قىزمەتىنىڭ Telegram پاراقشاسىنان ءمالىم بولدى. سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى باتىربەك اليەۆتىڭ حابارلاۋىنشا، 4-10-قاڭتار ارالىعىندا وڭىردە كوروناۆيرۋستىڭ – 549، 11-17-قاڭتار ارالىعىندا - 616 وقيعاسى تىركەلگەن. اۋرۋ ودان ءارى تارالماس ءۇشىن سانيتار دارىگەرلەر قوعامدىق تاماقتانۋ ورىندارىنىڭ، سپا- ورتالىقتاردىڭ، فيتنەس- زالداردىڭ، بازارلاردىڭ، ساۋدا- ساۋىق كەشەندەرىنىڭ، ساۋدا ۇيلەرىنىڭ، ازىق- تۇلىك ساتپايتىن دۇكەندەر مەن قوعامدىق كولىكتىڭ جۇمىس رەجيمىنە قاتىستى قوسىمشا شەكتەۋ شارالارىن ەنگىزدى. ولار 20-قاڭتاردان باستاپ ارەكەت ەتە باستايدى.
- قانداي شارا قولدانساڭىزدار دا، وسى شارالاردىڭ ساقتالۋى ءتيىستى دارەجەدە باقىلانباسا، قاجەتتى ناتيجە كۇتۋدىڭ قاجەتى جوق. ءبىز مونيتورينگ توبىنىڭ سانىن ارتتىردىق، ءبىراق ازىرگە ولاردىڭ تيىمدىلىگى كوڭىل كونشىتپەيدى. بارلىعىن جاپپاي تەكسەرۋدىڭ قاجەتى جوق، ەپيدرەجيم بۇزىلاتىن جەرلەرمەن جۇمىس جاساڭىزدار، - دەدى وبلىس اكىمى ءابىلقايىر سقاقوۆ.
ءوڭىر باسشىسى شتاب مۇشەلەرىنىڭ نازارىن اۋىلدىق جەرلەردە سىرقاتتىڭ ورشۋىنە اۋداردى. وتكەن اپتادا كەيبىر اۋدانداردا كوروناۆيرۋس ينفەكسياسىنا شالدىققان 30 عا جۋىق ادام تىركەلدى. اۋدان اكىمدەرى مۇنى COVID-19 جۇقتىرعاندارمەن ءجيى بايلانىستا بولعان ادامداردا انىقتالىپ جاتقانىمەن ءتۇسىندىردى. الايدا ءابىلقايىر سقاقوۆ بۇل جاعدايدى جەرگىلىكتى اتقارۋشى ورگاندار تاراپىنان كەمشىلىكتەر ورىن الىپ وتىرعانىنان دەپ ەسەپتەيدى.
- بىزگە وڭىرلىك ماتريتسانى ەنگىزۋ قاجەت، سوعان سايكەس ءاربىر اكىمشىلىك اۋماقتى جەكە قاراستىرامىز. تەز ارادا ءبىز ءوز باعالاۋىمىزدى جۇرگىزۋ ءۇشىن ءاربىر قالا مەن اۋدانعا جاڭا تاسىلدەردى تۇسىندىرىڭىزدەر. سوندا ءبىز ءار «قىزىل» ايماقپەن جەكە جۇمىس ىستەپ، ناقتى ناتيجەلى شارالار قابىلدايمىز، - دەپ تاپسىردى ول.
پاۆلودار، ەكىباستۇز جانە اقسۋ اكىمدەرىنە سانيتارلىق- ەپيدەميولوگيالىق تالاپتاردى ساقتاي وتىرىپ، قالاىشىلىك جولاۋشىلار تاسىمالىنىڭ جۇمىسىن ءتيىمدى جولعا قويۋ تاپسىرىلدى. جالپى جەرگىلىكتى جەرلەردەگى بارلىق باسشىلاردىڭ الدىنا ءابىلقايىر سقاقوۆ سىرقاتتىڭ تاراۋ ديناميكاسىن تومەندەتۋ مىندەتىنىڭ ماڭىزىن ءبىرىنشى كەزەككە قويدى.