پەتروپاۆلدا جاياۋ جۇرگىنشى ەكى مارتە كولىك استىنا ءتۇسىپ، مەرت بولدى

None
None
پەتروپاۆل. قازاقپارات - پەتروپاۆلدا جول-كولىك وقيعاسى بولىپ، جاياۋ جۇرگىنشى العان جاراقاتىنان تىلگە كەلمەستەن كوز جۇمدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جول- كولىك وقيعاسى 18- قاڭتار كۇنى تاڭعى ساعات 8.00 شاماسىندا بولعان.

«Toyota RAF4» اۆتوماشيناسىنىڭ جۇرگىزۋشىسى جۇمابايەۆ كوشەسىندە جولدىڭ بەلگىلەنبەگەن جەرىنەن ءوتىپ بارا جاتقان وبلىس ورتالىعىنىڭ 32 جاستاعى تۇرعىنىن سوعىپ كەتتى. رولدە پەتروپاۆل تۇرعىنى - 53 جاستاعى ايەل بولعان. سالدارىنان جاياۋ جۇرگىنشى قارسى باعىتتا كەلە جاتقان «گاز 3302» اۆتوماشيناسى دوڭعالاعىنىڭ استىنا تۇسكەن. جول اپاتىنان ەر ادام اۋىر جاراقات الىپ، سول جەردە ەسىن جيماستان كوز جۇمدى. بۇل دەرەك سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە ەنگىزىلدى».

سوڭعى جاڭالىقتار