اسەت ەرعاليەۆ ۇلتتىق ەكونوميكا ءمينيسترى بولىپ تاعايىندالدى

نۇر- سۇلتان. قازاقپارات – ق ر پرەزيدەنتىنىڭ جارلىعىمەن اسەت ەرعاليەۆ قازاقستان رەسپۋبليكاسىنىڭ ۇلتتىق ەكونوميكا ءمينيسترى بولىپ تاعايىندالدى، دەپ حابارلايدى قازاقپارات.

اسەت ارمان ۇلى 1987 -جىلى 18 - ماۋسىمدا دۇنيەگە كەلدى. قازاقستان مەنەدجمەنت، ەكونوميكا جانە بولجاۋ ينستيتۋتىن (2008) ءبىتىردى؛ حالىقارالىق بيزنەس مەكتەبى (شۆەتسيا) (2008)؛ يورك ۋنيۆەرسيتەتى (2009 ج.)؛ نوتتينگەم ۋنيۆەرسيتەتى، ەكونوميست (2010).

ەڭبەك جولى: لوندونداعى ەۋروپالىق قايتا قۇرۋ جانە دامۋ بانكىنىڭ شىعىس ەۋروپا جانە كاۆكاز ەكونوميكالىق دەپارتامەنتىنە ارنالعان ايماقتىق ەكونوميكالىق ساياسات تالداۋشىسى (2010-2011)؛ لوندونداعى ەۋروپالىق قايتا قۇرۋ جانە دامۋ بانكى ەكونوميكا دەپارتامەنتىنىڭ اعا ساراپشىسى (2011-2012 ج ج.)؛

ايماقتىق ەكونوميست، ەكونوميكالىق بانك، ەۋروپا قايتا قۇرۋ جانە دامۋ بانكى، لوندون (2011)؛ «ەكونوميكالىق زەرتتەۋلەر ينستيتۋتى» ا ق باسقارما ءتوراعاسىنىڭ ورىنباسارى، باسقارما ءتوراعاسىنىڭ ورىنباسارى، باسقارما ءتوراعاسىنىڭ ءبىرىنشى ورىنباسارى (2013-2016 ج ج.)؛

«ەكونوميكالىق زەرتتەۋلەر ينستيتۋتى» اق باسقارماسىنىڭ ءتوراعاسى (02.2016-10.2016)؛ «بايتەرەك ن م ح» ا ق باسقارما ءتوراعاسىنىڭ كەڭەسشىسى (10.2016-12-2016)؛

قازاقستان رەسپۋبليكاسى پرەمەر- ءمينيسترىنىڭ كەڭەسشىسى (2016-2018 ج ج.)؛

قازاقستان رەسپۋبليكاسى پرەمەر- ءمينيسترى كەڭسەسى جوباسىن باسقارۋ ورتالىعىنىڭ باستىعى (07.2018-09.2018)؛

قازاقستان رەسپۋبليكاسى ۇلتتىق ەكونوميكا ۆيتسە- ءمينيسترى (2018-2019). ق ر پرەزيدەنتى جانىنداعى ەكونوميكالىق ءوسۋدى قالپىنا كەلتىرۋ جونىندەگى مەملەكەتتىك كوميسسيانىڭ مۇشەسى (2020 -جىلدان بەرى). سوڭعى قىزمەتى 2019 -جىلدىڭ تامىز ايىنان باستاپ ق ر ۇلتتىق ەكونوميكا ءبىرىنشى ۆيتسە- ءمينيسترى.

ەسكە سالا كەتسەك، قازاقستان رەسپۋبليكاسى ۇكىمەتىنىڭ قۇرامى تۋرالى پرەزيدەنت جارلىعى شىقتى.