ەۋروپانى قالىڭ قار باستى
پاريج قالىڭ قاردىڭ استىندا قالدى. سەنبى كۇنى فرانسۋز استاناسىنا جاۋعان قاردىڭ قالىڭدىعى 4 س م- گە جەتتى. وسىعان وراي ەلدىڭ 32 دەپارتامەنتىندە اۋا رايى قاۋپىنىڭ قىزعىلت سارى 1-دەڭگەيى جاريالانىپ وتىر. يل- دە- فرانس استانالىق وڭىرىندە قاردىڭ سوڭى جاۋىنعا اينالىپ، سالدارىنان ءىرى جول- كولىك اپاتتارى ورىن الدى. ادام شىعىنى دا بار. قالىڭ قار بەلگيانىڭ بارلىق ايماعىندا جاۋىپ جاتىر. بەلگيا كوشەلەرىندە دە قار قىلاۋلادى. مەتەورولوگتار كولىك جۇرگىزۋشىلەر مەن ۆەلوسيپەدشىلەرگە تاياۋ ۋاقىتتا جولداردا ءقاۋىپتى جاعداي ساقتالاتىندىعىن ەسكەرتىپ وتىر.
گەرمانيانىڭ وڭتۇستىگىندە قار تازالايتىن كولىكتەر كۇنى بويى جولداردى تازالادى. قالىڭ قار كولىك بەيبەرەكەتسىزدىگىن الىپ كەلدى. ال ەلدىڭ وڭتۇستىك- شىعىسىندا شۆەيتساريامەن شەكارادا قالىڭ قار سالدارىنان اعاش قۇلاپ، قارت ايەلدىڭ اجالىنا سەبەپ بولدى.