ەلوردادا ەنتۋزياستەر پروديۋسەرسىز، بيۋدجەتسىز كريمينالدىق دراما ءتۇسىردى

نۇر- سۇلتان. قازاقپارات - جەلىدە نۇر- سۇلتان قالاسىنىڭ ءبىر توپ ەنتۋزياسى تۇسىرگەن «پۋستوتا» كوركەم فيلمى پايدا بولدى، دەپ حابارلايدى قازاقپارات ءتىلشىسى.

AKMOLA MEDIA كينوكومپانياسى تۇسىرگەن كريمينالدىق دراماعا ەلورداداعى م. گوركي اتىنداعى مەملەكەتتىك اكادەميالىق ورىس دراما تەاترىنىڭ اكتەرى سەرگەي ماشتاكوۆ رەجيسسەر، يۋليان ساۆيتسكي وپەراتور- قويۋشى بولعان. يدەيا اۆتورى - ۆاديم جۇسىنبەكوۆ. باستى رولدە س. ماشتاكوۆ پەن ۆ. جۇسىنبەكوۆتەن بولەك، يۆان انوپچەنكو، سۆەتلانا فورتۋنا، ەكاتەرينا ماكسيم، ليۋدميلا كريۋچكوۆا، دەنيس اننيكوۆ وينايدى. سونىمەن قاتار تۇسىرىلىمگە تانىمال قازاقستاندىق رەكوردشى سەرگەي تسىرۋلنيكوۆ قاتىستى.

«فيلم «بيۋدجەتسىز» ءتۇسىرىلدى، جىگىتتەر ەنتۋزيازممەن جۇمىس ىستەدى. ءتۇسىرىلىم قالانىڭ وڭ جاعالاۋىندا جۇرگىزىلدى. كادرلاردان «سەلينوگرادتى» تانۋ وڭاي. اكتەرلەر قۇرامىنا، سونداي- اق ءبىزدىڭ كوماندامىزعا قولداۋ كورسەتكەن بارلىق جانعا العىسىمدى بىلدىرەمىن»، - دەپ جازدى س. سىرۋلنيكوۆ Instagram پاراقشاسىندا، پروديۋسەرسىز ءارى بيۋدجەتسىز.

وتكەن جىلى كينو تۋىندى بۇقارالىق اقپارات قۇرالدارىندا وسىلاي جارنامالانعان بولاتىن. الايدا، كوروناۆيرۋسقا بايلانىستى پرەمەراسى سوزىلىپ كەتكەن ەدى. فيلمنىڭ تۇساۋكەسەرى YouTube-تە ءوتىپ، ونى ەكى كۇننىڭ ىشىندە 17,5 مىڭ ادام تاماشالادى.