07:03, 18 - قاڭتار 2021 | GMT +6
تۇركيادا، قارا تەڭىز جاعالاۋىندا رەسەيلىك كەمە سۋعا باتتى
بارتىن. انادولى- قازاقپارات - تۇركيانىڭ قارا تەڭىز جاعالاۋىندا رەسەيلىك قۇرعاق جۇك تاسيتىن ARVİN كەمەسى سۋعا باتىپ كەتتى.
بۇل جايىندا بۇگىن تۇركيانىڭ بارتىن ولكەسىنىڭ گۋبەرناتورى سينان گيۋنەر ءمالىم ەتتى، دەپ حابارلايدى قازاقپارات انادولى اگەنتتىگىنە سىلتەمە جاساپ.
رەسەي تۋى تىگىلگەن قۇرعاق جۇك تاسيتىن كەمە بارتىن باتىس- قارا تەڭىز ولكەسىنىڭ ينكۋمۋ اۋدانى جاعالاۋىندا سۋعا باتقان. ىزدەۋ- قۇتقارۋ جۇمىستارى بارىسىندا كەمە كومانداسىنىڭ ءۇش مۇشەسى قۇتقارىلدى. قۇتقارۋ وپەراتسياسى 3 شليۋپكادا بولعان ەكيپاجدىڭ شامامەن 15 مۇشەسىن امان الىپ قالۋ ءۇشىن جۇرگىزىلىپ جاتىر. اپات بولعان اۋماققا جاعالاۋ كۇزەتى مەن تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە ونىڭ سالدارىن جويۋ باسقارماسىنىڭ كاتەرلەرى جىبەرىلدى. اۋا رايىنىڭ قولايسىزدىعى ىزدەۋ- قۇتقارۋ وپەراتسياسىنا قيىندىق تۋدىرۋدا.