+7 (701) 759 90 19
-18 °С : نۇر-سۇلتان
1 °С : الماتى
USD 414.94 EUR 504.03
RUB 5.59 CNY 64.22
جاڭالىقتار

پەتروپاۆلدا جاڭا ەسىرتكى ءتۇرى - مەفەدرون ساتقاندار ۇستالدى

17 قاڭتار 13:58
:ءبولىسۋ
پەتروپاۆلدا جاڭا ەسىرتكى ءتۇرى - مەفەدرون ساتقاندار ۇستالدى

پەتروپاۆل. قازاقپارات - پەتروپاۆلدىڭ ەكى تۇرعىنى سينتەتيكالىق جاڭا ەسىرتكى - مەفەدرون ساتىپ-ۇستالىپ، قىلمىستىق جازاعا تارتىلدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، مەفەدرون - قاۋىپتى سينتەتيكالىق ەسىرتكى پرەپاراتتارىنىڭ ءبىرى.

پەتروپاۆلدا العاش رەت اينالىمنان الىندى. پەتروپاۆلدىڭ 29 جانە 19 جاستاعى ەكى تۇرعىنى وتكەن جىلدىڭ جازىندا مەفەدرون ەسىرتكىسىن ساتىپ، تاراتقانى ءۇشىن ۇستالدى.

جاقىندا ولارعا سوت ۇكىمى شىقتى. قىلمىسكەرلەردىڭ بىرەۋىنە 12 جىل، ەكىنشىسىنە 7 جىل جازا كەسىلدى.

جەدەل ۋاكىلدەر انىقتاعانداي، وبلىس ورتالىعىنىڭ تۇرعىنى ومبىدان ترانزيتپەن پەتروپاۆل ارقىلى كوكشەتاۋ قالاسىنا سينتەتيكالىق ەسىرتكىنى جەتكىزۋدى ۇيىمداستىرعان. اكۆافور قۇتىلارىنىڭ سۇزگىلەرىنە بۋىپ-تۇيىلگەن تاۋار لوگيستيكالىق قىزمەت ارقىلى جەتكىزىلىپ وتىرعان. جەدەل ءىس-شارالار بارىسىندا زاڭسىز اينالىمنان بارلىعى 200 گرامعا جۋىق ەسىرتكى الىندى.

بۇل - اسا ءىرى مولشەر بولىپ ەسەپتەلەدى. مەفەدروندى ينتەرنەت رەسۋرستار ارقىلى ساتىپ كەلگەن. ەسىرتكى زاتتارىنىڭ ءبىر بولىگى پەتروپاۆلدىڭ جاس تۇرعىنىنان تابىلدى، تەرگەۋ انىقتاعانداي، ول دوزالارعا بۋىپ-ءتۇيىپ، قالادا ءتۇرلى جەرلەرگە جاسىرىپ وتىرعان. ەسىرتكى كۋرەرلەرى تەلەگرام-كانال ارقىلى بايلانىسقا شىققان.

ق ر قىلمىستىق كودەكسىنىڭ «ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ» بابى بويىنشا ۇستالعاننىڭ ەكەۋى دە سوتتالدى.

«29 جاستاعى جىگىت بارلىق ءىستىڭ ۇيلەستىرۋشىسى بولىپ تابىلادى، الەۋمەتتىك جەلىدە حابارلاما جازىسىپ، بايلانىسقا شىعىپ، سالەمدەمەنى قايدا، كىمگە جانە قاشان جىبەرۋ كەرەكتىگىنە نۇسقاۋ بەرىپ وتىرعان. سوتتا زاتتاي دالەلدەمەلەر ۇسىنىلدى»، - دەيدى ەسىرتكى قىلمىسىنا قارسى ءىس-قيمىل باسقارماسى باستىعىنىڭ ورىنباسارى يۆان تەرزيدي.

:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات